標籤: 講古

謎語之有眼冇眉

有眼冇眉 有翼唔識飛 日行千里路 神鬼唔知天

貼士:水生動物

䛧底:魚

 

謎語之老章老章

老章老章 背孭皮喼 鉸剪一對 筷子四雙

貼士:水生節肢動物

謎底:蟹

『孭』細孥仔嘛嘛拎孭帶孭.『孭』字應『左扌上刀下具』組成.手寫板識別唔到.

謎語之泥屋泥門頭

泥屋 泥門頭 仔仔孫孫做賊頭

貼士:十二生肖之首

謎底:鼠

 

謎語之一舊木

一舊木 花哩碌 拍下檯 跳上屋

貼士:喵喵叫

䛧底:猫

 

謎語之一條樑

一條樑 四條柱 頭打鼓 尾擔槍

貼士:汪汪叫

謎底:狗

 

謎語之唔係狐唔係狗

唔係狐 唔係狗 企係地做人

貼士:亞種人

謎底:馬騮

 

歌謠之九月九

九月九 係重陽 放紙鷂 線愛長 紙鷂飛得高 個個樂洋洋

『九月九』-農曆九月九日,日月並陽. 兩九相重, 所以叫『重陽』亦稱『重九』. 『重陽登高』寓意『步步高昇』.

『紙鷂』用『竹』做骨,『紙』做肉,借風飛天,『紙鷂』加『哨』子, 其鳴如『箏』,所以叫『風箏』.

『重陽』秋高氣爽最啱『登高』『放紙鷂』.

 

謎語之砂盆盅砂盆

砂盆盅砂盆 雨屘灑衙門

謎底:石磨

『盅』有『局盅』『茶盅』

『雨屘』指雨粉粉

『衙門』指『牙門』

謎語之遠睇一碗飯

遠睇一碗飯 行埋唔敢喫

貼士:開門七件事之一

謎底:鹽

 

歌謠之順風順水過沙灣

順風順水過沙灣 逆風逆水過河南 河南有間金花廟 髯大姊求仔生 許落雞膥和鸭蛋 個時生仔個時還

『髯』正係『虯髯客』『美髯公』之      『髯』.

『』音近『陰』,本應上『髟』下『任』組成.指額頭『髮』.

『髯』指未婚『後生女』.

『沙灣』『河南』同係島,『沙灣』有條『雞膥巷』.『河南』冇有知『金花廟』在邊.每年四月十七為『金花誕』, 向『金花娘娘』 求子甚驗.當生仔後用『雞膥』『鴨蛋』還神. 『花』指『花女』即『處女』.

『巫女』工作與『藝伎』『老舉』相似.

『南漢國』被野蠻民族入侵攻破宮城, 女宮巫『金花』于王宮池塘沉湖自盡.死前祈願惠澤福蔭『南漢國民』.其 『宮池』改名『仙湖』.後人在 『仙湖』旁建『金花廟』祈嗣求子甚驗 .其神像叫『金花普主惠福夫人』所以亦叫『惠福祠』.現今只剩『惠福巷』『仙湖街』.