占卦批命最靈『金吊桶』.清未羊城城煌廟蒞左『占卦腥』,自言『妻財子祿,壽夭窮通』.仝你傾謁之閒,可知一生富貴,過去未來.
傳說老金係羊城北郊偶遇後生女仔, 睇中老金忠實, 愿嫁畀老金,草過門後, 原蒞老婆係狐仙識通靈,平日匿係閣樓,係樓板開窿,将木桶仔髹金色,從閣樓吊隻金桶落蒞, 取出命紙, 所以自稱『金吊桶』.
當時老襯多, 信以為真, 個個稳佢占卦, 其門如市,日日收入幾拾兩, 『金吊桶』掩住口笑.
老金鬼馬,占卜得閑, 有閑錢, 去『帶河基』『顯耀里』『怡心寨』打水圍, 仝老舉『花月痕』結緣.
『花月痕』聰惠,老金幫姖贖身,埋街喫井水.教『花月痕』占卦批命, 先學生辰轉八字,再學排大運, 睇流年,算用神, 稳忌神. 『花月痕』學成後匿係閣樓,自稱狐仙. 有老襯蒞占卦, 老金先問牛一,仝老襯傾謁. 傾得百句, 閣樓趟門吊金桶落蒞,
老金係桶拎出命書: 老友, 狐仙能知過去未來,幫你批左命.
命書內容, 果然仝『前半世』經歷大略相合, 至於『後半世』亂車大炮, 反正冇人知, 市民以為真有狐仙, 一傳十, 十傅百, 『金吊桶』名利雙收.