『遮』出自『遮陽擋雨』,點解叫『傘』為『遮』.因『傘』音近『散』. 有『風吹鷄蛋殼財散安樂』『七魄散失魂不附體』一説,所以『散散』聲唔好聼.
每當大雨龍舟水至.就有嬸嬸拎巴士留低嘅『遮』.人地留低嘅『遮』都好拎分分鈡撞鬼.游魂野鬼最鍾意匿在『遮』入面,以『遮』代車跟住妳翻屋企.其實日本都有此傳説, 唔知日本鍾意用『透明遮』是咪與此有關.
BOOKCARD
講古/舊底
『戙』音近『洞』.指插在河邊之『木樁』,當『艇』埋岸與『戙』綁埋以免畀河水沖走.平民百姓棺材皆平放.若『侯』或『王』會挖條『隧』將棺木滑入墓,從頂睇墓形如『甲』字.
而有錢人會將棺材『戙企』插入墓穴. 『蟾蜍噬月』副壽『戙篤企』即『朝天葬』.至陰至邪上不通天下不道水,若葬此穴『辰時葬卯時發』即時見功.後人要風得風要雨得雨只手遮天.但此穴吞噬天地世間至惡至毒之邪物.天地無光日月變色邪氣惡刹『冚辦爛』會集此大兇穴.
在『宋國』因實施官辦養馬,馬匹總量大幅下跌,且全數供騎兵.即使位高權重高官,也只能騎『騾仔』. 『騾仔』由『馬公』同『驢乸』所生.『騾』由『馬』與『累』組成.『騾仔』勤力又唔病,食得小做得多.但『騾仔』無得生『細孥騾』只能做到死果日.根本無希望. 所以將『人工奀,冇前途』叫『捱騾仔』.
你必須登入才能發表留言。