標籤: 講古

睇『西游記』『觀音』可隨時召喚天兵天將到身邊護法,而『女仔』儅自已是『觀音』,將身邊追隨者視作『兵仔』.『觀音兵』唯命是從,任由差遣,無條件付出,自然多多益善擁兵自重. 相傳『觀音』本為男兒身但喬裝『女仔』.『觀音』自然唔會對『男仔』動情.所以『觀音兵無前途』.

相傳『觀音』本名『寶尚』與細佬『寶志』.被流放『斯裏蘭卡』外島『普陀洛伽』. 兩兄弟被『法藏』國王收養.幷立『寶尚』為世子.父子三人跟隨『寶藏如來』修習佛法. 父親被封『阿彌陀佛』.『寶尚』封『觀世音菩薩』.『寶志』則被封『大勢至菩薩』. 西方極樂世界三聖

令『茱麗葉』進入假死,此藥由『曼陀羅草』Atropa Mandragora製成.生長於東地中海.『葉』作『止疼劑』.『根』制『痲醉劑』形似『蘇蝦』,常用于手術.古羅馬用『曼德拉草』浸酒,在施行十字架刑前給罪犯飲.以減緩疼楚.傳説『麻沸散』六味漢藥主方為『曼陀羅根』.

在韓國未有造出大眼仔之前,意大利女仔將『曼陀羅根』毒汁滴眼,形造散瞳效果,即瞳孔放大.

『Dacron』音譯『的確涼』.合成纖維衣料,易於染色.常用于校服.夏日汗流浹背入空調房,汗水貼背,背脊寒意陣陣易治感冒.

『六神』指『五臟神』加『膽神』,分別『心神』『肺神』『肝神』『腎神』『脾神』五柱.而『膽神』為六腑之首.

『主』指『元神』

『六神無主』指 『神不守舍,六神散離, 氣竭而亡』

	神	藏	名	字	神獸
心	火神	神	丹元	守靈	朱雀
肺	金神	魄	皓華	虛成	白虎
肝	木神	魂	龍煙	含明	青龍
腎	水神	性	玄冥	育嬰	兩頭玄鹿
脾	土神	意	常在	魂庭	神鳳
膽	風神	靈	龍耀	威明	龜蛇混形

 

『鑊』出自『有足曰鼎,無足曰鑊』. 鑊烹煮, 鼎盛載.

而『大鑊』源自『湯鑊』出自『此乃勇士頭,當於湯鑊煮之』.『戰國』時代『鑊』除烹煮,亦作刑具.將人『落鑊』需『大鑊』.

『大鑊』指將『招災致難』.而『落鑊』將他人送死.

『睥』出自『睥睨宮閫,幸灾樂禍』,解作『窺伺』.轆大眼,睇住人.有『睥睥熊』而『眼睥睥』 分分鈡打大交.

『普羅米修斯』Prometheus源於古希臘神話,意『先見之明』forethought.『泰坦』神族第二代男神.用陶土做『人體』,而女神『雅典娜』灌注『靈魂』. 『普羅米修斯』從奧林匹斯山上偷火種給『人』.因而觸怒『宙斯』將『普羅米修斯』鎖在高加索山崖.並派『蓋尼米亞』變作鷹每日啄食其『肝』,第日『肝』重生再遭啄食.無獨有偶『人』肝也可切割後重新生長.

而Promethean用於描述事件非常具有創意.

『三扒兩撥』源自『番攤』, 舊時『番攤舘』『攤官』將一堆攤子拔開兩份即『攤皮』.用『盅』蓋著一份『攤皮』 供人落注『一,二,三,四』.『攤官』開攤『揭盅』,用『攤竹』以『四個一皮』『扒攤』.謹慎『扒攤』以示公允.若『攤官』心急『收皮』,就會『三扒兩撥』.

舊時廣州街邊擔挑檔.賣『雲吞面』分『大用』同『細用』,『用』聲綫提高啲成『蓉』. 『細蓉』用九錢『全蛋面』同四粒『鮮蝦雲吞』.汆面後落啲猪油撈一撈再落『湯』.『湯』用『大地魚』與『河蝦子』熬先够香.

『全蛋面』用靚鴨蛋開面漿打面,用支長大轆竹,坐上去不斷韌,『面』先够韌,够爽,够彈牙.

『細蓉』擺都有講究.先擺『匙羹』在底,『雲吞』在中間,『面』在上面,最尾放『葱』.要見『面』唔見『雲吞』.爲左啲『面』唔好畀『湯』浸淋.所以『匙羹』同『雲吞』要墊高啲『面』.

『白撞』指『不請自來』

『白撞雨』出自『天語』『凡天晴暴雨忽作,雨不避日,日不避雨,是曰白撞雨,亦曰過雲』.

『灒』燒紅鑊,灒凍水.

『壞人』此指致病

『白撞雨灒壞人』暑熱烈日,暴曬石路.忽作暴雨.散發熱腥.易致病.