細蓉

舊時廣州街邊擔挑檔.賣『雲吞面』分『大用』同『細用』,『用』聲綫提高啲成『蓉』. 『細蓉』用九錢『全蛋面』同四粒『鮮蝦雲吞』.汆面後落啲猪油撈一撈再落『湯』.『湯』用『大地魚』與『河蝦子』熬先够香.

『全蛋面』用靚鴨蛋開面漿打面,用支長大轆竹,坐上去不斷韌,『面』先够韌,够爽,够彈牙.

『細蓉』擺都有講究.先擺『匙羹』在底,『雲吞』在中間,『面』在上面,最尾放『葱』.要見『面』唔見『雲吞』.爲左啲『面』唔好畀『湯』浸淋.所以『匙羹』同『雲吞』要墊高啲『面』.