標籤: 講古

年初二同長輩講聲『恭喜發財』長輩會『派利是』,收叫『逗利是』.年初八開工老細會派『開門利是』,『派利是』派到新十五.

『利是』正寫『利市』,出自『營商利市,營達利事』.『利』即『益』,『市』即『貿易行』 . 『事』即『幹』有『事過境遷方知難』.從字面解析『利市』即助益生意,而『利事』即有益事業.   而『事』與『是』相通所以寫作『利是』

『利是』會叫作『勵是』,『勵』即『鼓勵』.從字面解析鼓勵奮發.

『新抱』源於『新婦』,舊時『婦』音『抱』.且『抱』指『擁抱』所以有『抱得美人歸』.

『家嫂』源於『家嫂辭情慷慨』,但『新抱』與『家嫂』兩者用法唔同.對外稱『新抱』如『初歸新抱,落地孩兒』,對內講『家嫂』如『難爲家嫂』.

『新抱』寫作『心抱』亦合理, 『心』指『心心』於男女之情可理解為『愛』.

據『劉萬章』『廣州兒歌甲集』歌謠『雞公仔』記載『做人心抱甚艱難』確係『心抱』.

Leo源於拉丁文『獅子』.『獅子』英文為lion.而『獅子座』為Leo.用于人名時音譯為『利奧』.

而『車田聖美』其『獅子座』擁有者為Aiolia.

『明國』未年『史可法』於揚州戰死,『多以滾』係揚州屠城.其部下『蔡德忠』『方大洪』『胡德帝』『馬超興』『李式開』突出重圍藏身於『南少林』.而『清國』為肅清『漢人』反抗力量. 查實『南少林』與『洪門』有千絲萬縷關係.『雍正』十三年命令張建秋帶兵征伐.與『反骨仔』『馬寧兒』串通火燒少林,110僧之中有18僧借大佛聖台密道下逃出.

在『南少林』武僧中,『馬寧兒』武藝排列第七故稱阿七.『洪門』兄弟以七爲恥 .因二加五為七,自此『反骨仔』稱爲『二五仔』. 自此『七』改為『吉』,『孖七』改呌『孖吉』.

『炮』即火炮,在『春秋』時已掌握鑄造技術.但鑄造炮管時有砂窿,導致炸膛.所以明朝引進紅夷大炮.即英國『加農炮』.

『把』即把玩.

所以『把炮』從字面解析袖珍火炮,即『手槍』亦叫『炮仔』.

『劈炮』指『唔撈』,源於警察是公務員甚少遭解雇.而主動將支『炮仔』撇給頂頭.有憤然辭職之意.

『馨』出自『明德惟馨』指合天地之道,好賢能之士

『香』指芳香

『馨香』出自『至治馨香』指賢德治理謂馨香. 『馨香』本指『祭天』『祈雨』時祭品之香味.不論『祭天』抑或『祈雨』只能是『天子』或『世子』進行.至今『好馨香』反問有咩令人讚揚.

『飣』指陳設盛放食品.

『餖』指堆積食品

『餖飣』出自『食經』『五色小餅,盛盒累積,曰餖飣』指堆碟餅食.現今指主食傍『伴蝶』.由於『飣』食細細件,故將『細路』叫『餖飣』

『祭旗』出自『三國演義』『吾今缺少福物祭旗,願借你首級』即『殺生』獻血祭神,祈神庇佑.睇『孔雀王』神靈多嗜人血.

『使頭』即『田主』出自 『謂田主曰使頭』.而『使』指『使役』則『使頭』亦指『上司』.

『事頭』即『事力之首』出自『搖櫓者曰事頭』.指船務領頭

現今『事頭』指老細.而女老細或其老婆叫『事頭婆』. 而『英女皇』亦叫做『事頭婆』.

『埋牙』出自『鬥蟀』,僅公蟀先會打鬥.兩蟀用牙相互齒咬.戰至牙齒脫落一方戰敗.所以『埋牙』是指兩蟀觸鬚接觸準備开打.現今『埋牙』引申雙方比賽『埋位』準備.

埋牙	开打
拣卒	拣蟀
开片	打架
单挑	只秋只