『趯』讀『笛』.源自『詩經•草蟲』『喓喓草蟲, 趯趯阜螽』.本意『走』『跑』
『路』即『門路』『道路』
『趯路』即『走路』『跑路』
『走趯』與曡字『走走趯趯』即『傳遞諮詢』『瑣碎雜務』之意
炒魷
舊時打工多為『住家工』.『事頭』包食包住.打工仔需自備『被舖』,晚黑開『被舖』在鋪頭訓. 而落獲『炒魷魚』受熱會捲曲.好似『捲被舖』.『炒魷』暗喻打工仔被辭退『捲被舖』離開.所以『豉椒炒魷』用『豉椒』暗喻『事頭』.
傾偈
『傾』指『傾聼』『傾訴』『傾吐』.
『偈』源於梵文Gatha音譯『偈陀』,本意『頌』.『佛學』『佛理』即『佛偈』
『傾偈』從字面解釋即『傾談佛偈』.進而引申傾談閑談之意.
鹹蝦燦
舊時『梳打埠』盛產『鹹蝦膏』.而土生葡人中意將『鹹蝦膏』塗抹『班戟』進食.因『班戟』與『薄撐』相似.以此將土生葡人叫『鹹蝦撐』.後來轉音為『鹹蝦燦』.
『燦』源於『燦爛』並無任何貶義.反而是『鬼馬生動』.覺得貶義純玻璃心之故.
梳打埠
『梳打』即『梳打粉』溶於水易將油汙清潔『幹淨』.『 埠』指『碼頭』.因昔日澳門王宮賭船『賊船』停泊在澳門內港『碼頭』.一上岸即登上賭船落注賭兩手,但往往輸幹輸淨至翻嚟.借『梳打』清洗『幹淨』比喻於澳門賭輸『幹淨』.戲稱澳門是『梳打埠』.
一殼眼泪
『一殼眼泪』源于『一眶眼泪』.『眶』爲眼皮邊緣構成框.當眼水充滿眼眶內謂『熱泪盈眶』.
『殼』即水殼.將椰殼脫去椰衣連上竹柄.從字面睇即眼水可盛滿水殼. 所以『一殼眼泪』形容十分悲傷.
壽頭
『壽頭』指『豬頭』.出自『新年雑詠』
| 選皺紋如『壽』字者 謂之『壽字豬頭』 |
『豬頭』用于拜祭.因豬被認爲蠢.而豬頭被視爲極蠢.所以『壽頭』隱指『豬甘蠢』.
滴骰
『滴骰』或『的骰』正寫應為『菂薂』. 『菂』指蓮子. 『薂』指蓮實.因蓮實細而引申為嬌小之意.
坐定粒六
『骰』有六面,每面都刻有點數.由一至六,最大為六. 其中一種玩法叫『擲牛六』.各自擲一粒『骰』.睇邊個點數最大.若擲得六贏硬.
你必須登入才能發表留言。