埋街食井水

舊時西關河涌縱橫交錯,百姓坐『艇』通行冇阻.『陳塘風月』昌盛大寨卅五細寨冇數. 對開成條『沙基涌』到『黃沙碼頭』有大量『紫洞艇』『沙艇』『四柱艇』『食艇』『洋板艇』『塘蚝仔』穿梭往来組成『花艇陣』.

『紫洞艇』為平底艇上層木製建築.令其頭重腳輕遇風浪必翻艇, 所以齋停泊唔行.『紫洞艇』在西關河涌停泊平時『食河水』.『埋街』即『老舉』上岸.舊時石板街道鑿『水井』均為岸上人家擁有,要『食井水』需『埋街』. 所以『埋街食井水』 即指『老舉』跟佬上岸為人『新抱』.