標籤: 講古

『缸瓦船打老虎盡地一煲』叢文字睇『缸瓦船』即舢舨泊『缸瓦裏』裝缸瓦行船,舊時西關河涌縱橫交錯,百姓坐艇通行冇阻.啱啱過著剛剛,有老虎在河涌泳水兼擒上船.『盡地一煲』將成船缸瓦『掟煲』嚇走老虎.

『缸瓦船打老虎盡地一煲』叢諧音睇成『缸瓦泉打爐釜盡地一鋪』.

『缸瓦』此指『砂煲罌罉』.『瓷器撼缸瓦』『你係缸瓦我係瓷器』點計都博唔過.『缸瓦佬』指賣『砂煲罌罉』男. 至于『缸瓦船』可能出自爛賭二『缸瓦泉』此人, .只是快快講成『缸瓦船』即『缸瓦泉打爐釜盡地一鋪』.

『爐』指『火爐』『風爐』.『釜』指『茶煲』. 『打爐釜』指打爛著食『爐』同『煲』.

『盡地』指『就地』『加下』『當場』.

『鋪』本指『郵鋪』『急遞鋪』. 『兩鋪』距離『十裏』即『十裏一鋪』. 所以有『行一鋪』『行番鋪』.『一鋪翻身』『一鋪』指『賭一鋪』或『一鋪過』.

所此『缸瓦船打老虎盡地一煲』實指爛賭兒瞓身賭身家.

 

『雞』此处指『骰』.『乾坤一擲』『盡地一煲』雙方各自擲粒骰碗中, 直至骰静止按其點数定赢輪, 若擲粒用力過度骰子弹出碗即『走雞』. 其默數唔算要再擲.

因『走雞』其本意『唔算数』後逐漸演變成『錯失』之意.

『開圍骰』源自『賭大細』, 莊家将三粒骰放入骰盅搖晃,等閒家落注後, 莊家『開盅』派彩. 按三粒骰合計點数『大細』,總點数四至十開『細』, 十一至十七開『大』.若『開盅』三粒骰點数相同,即『開圍骰』莊家『大細通吃』. 除非閒家落注買『圍骰』先贏.所以『開圍骰』即『冇大冇細』.

點数	圍骰
三粒一	圍一
三粒二	圍二
三粒三	圍三
三粒四	圍四
三粒五	圍五
三粒六	圍六

 

『包屘大翻』源自大戲『六國大封相』.臨完場由六位武師演遷馬旗手,翻騰走圓場退下. 到最屘匹馬武師牽回場大翻筋斗, 最屘筋斗必定翻到最高作為全劇尾聲. 即『包屘大翻』.

『包屘大翻』今指『屘屘屎』最後一名.

『紋路』本指『掌紋』與『指紋』.『睇相佬』可丛中窺見人未来.『有紋路』同『有紋有路』一詞可引申指做人做嘢『有條理』.

『天九』两牌點数合起為十點即『密十』.而『天九』點数只計個位.即只有零點最細.若首牌三點次牌再来七點.即『密十』輸硬,便大叫『三唔識七』喝走七點.

旧時『夜香公所』簡陋冇廁紙供應,若去出恭要自備草紙, 『夜香公所』所長即『二叔公』.为便人出恭會在門口摆張木枱, 放一疊草紙每張斗零,自覚投幣冇人睇檔. 而是否畀銀唯有『問心』, 所以有『二叔公賣草紙』『問心』. 而『二』與『義』音近. 『二叔公』实為『義叔公』.

河南地成珠楼由伍紫垣經营.屋企妹仔『細凤』順德人,經常去『成珠楼』偷师.咸丰五年八月中秋. 伍紫垣屋企有客. 細凤送茶水却冇点心.而家厨啱出去唔在度.『細凤』心急下用惠州梅菜同五仁月餅搓埋,加埋胡椒粉做成雞蛋形『餅仔』,放入焗盧烤脆, 畀客品尝贊口有加. 問道『餅仔』叫嚒名,『伍紫垣』抽出『細凤』之『凤』,『餅仔』之『仔』.因『凤』即『雞』.随口改名『鶏仔餅』. 『鶏仔餅』後經成珠楼点心师不断改进後,行销海外內.

 

『打骰』源於天九莊家.莊家按抛两粒骰,依点数逆時時派牌.

『打骰』或『打晒骰』本指『做莊』.今指前線指揮.

『菠蘿雞』產於『菠蘿廟』即『南海神廟』. 『菠蘿廟』位於珠江口『扶胥鎮』. 『菠蘿廟』有條『廟頭村』. 『廟頭村』姑婆養鶏. 用『桨糊』『竹枝』『草紙』扎『鶏身』黐『鶏毛』神情如生. 每逢二月十三『菠蘿誕』. 姑婆拎紙扎鶏在『菠蘿廟』出售. 之所以叫『菠蘿雞』 因只有在『菠蘿誕』果两三日有買.因『鶏身』『鶏毛』用『桨糊』『黐』成. 所以有『波蘿雞一味靠黐』.『菠蘿雞』通常指『黐飯喫』.