歌謠之雞公仔尾彎彎

歌謠之雞公仔尾彎彎

雞公仔尾彎彎

做人心抱甚艱難

早早起身都話晏

眼淚唔乾入下間

下間有個冬瓜仔

問安人老爺煮定蒸

安人又話煮

老爺又話蒸

蒸蒸煮煮唔中安人老爺意

大楂拉鹽又話淡

手甲挑鹽又話鹹

三朝打爛三條夾木棍

四朝跪爛四條條裙

咁好花裙俾你跪爛

咁好石頭俾你跪崩

橫又難,[……]

閱讀

歌謠之一隻歌仔甚新鮮

歌謠之一隻歌仔甚新鮮歌謠之一隻歌仔甚新鮮

一隻歌仔甚新鮮

灶蝦曱甴契同年

又共蜘蛛借線絡

又共蠄蟧借盒添

舂米公公担盒過

又問蠄蟧担去邊

塘屘自謝開盒睇

睇見魚鱗共飯黏

『灶蝦』樣似蟋蟀, 灶馬蟀

『共』即『同』

『曱甴』生命力頑强幾日冇掟垃坡圾就睇到

『契同年』結拜兄弟

『線絡』[……]

閱讀

大話怕計數

大話怕計數

講『大話』分兩種,一『自編作大』, 二『矮仔睇戯人哎倨又哎』.

『作大』自已都唔信必『言行不一』容易識破. 而『矮仔睇戯人哎倨又哎』人地喂畀倨照單全收,直至魄散離魂都唔知畀人呃,此種人占多數.

『大話怕計數』要識破『大話』.只能反復細心推敲先能睇出破綻.

盲公過光雅裏冇眼睇你班契弟

盲公過光雅裏冇眼睇你班契弟『光雅裏』位于『西關』『狀元坊』側近.『光雅裏』原名『缸瓦裏』. 專門賣『缸瓦』.清國道光年有官員覚得『缸瓦』唔好聽改為近音『光雅』. 完全唔尊重本土文化.『狀元坊』有『朱義盛』而『缸瓦裏』有『棺材鋪』. 『棺材鋪』都養『孝子』『買水』, 而做 『孝子』唔知點解好多是『契弟』即『基佬』. 行『光雅裏[……]

閱讀

缸瓦船打老虎盡地一煲

缸瓦船打老虎盡地一煲『缸瓦船打老虎盡地一煲』叢文字睇『缸瓦船』即舢舨泊『缸瓦裏』裝缸瓦行船,舊時西關河涌縱橫交錯,百姓坐艇通行冇阻.啱啱過著剛剛,有老虎在河涌泳水兼擒上船.『盡地一煲』將成船缸瓦『掟煲』嚇走老虎.

『缸瓦船打老虎盡地一煲』叢諧音睇成『缸瓦佬打爐釜盡地一鋪』.

『缸瓦』此指『砂煲罌罉』.『瓷器撼缸瓦』[……]

閱讀

走雞

走雞 走雞『雞』此处指『骰』.『乾坤一擲』『盡地一煲』雙方各自擲粒骰碗中, 直至骰静止按其點数定赢輪, 若擲粒用力過度骰子弹出碗即『走雞』. 其默數唔算要再擲.

因『走雞』其本意『唔算数』後逐漸演變成『錯失』之意.

開圍骰

開圍骰 圍一 圍六『開圍骰』源自『賭大細』, 莊家将三粒骰放入骰盅搖晃,等閒家落注後, 莊家『開盅』派彩. 按三粒骰合計點数『大細』,總點数四至十開『細』, 十一至十七開『大』.若『開盅』三粒骰點数相同,即『開圍骰』莊家『大細通吃』. 除非閒家落注買『圍骰』先贏.所以『開圍骰』即『冇大冇細』.

點数
圍骰[……]

閱讀

包屘大翻

包屘大翻『包屘大翻』源自大戲『六國大封相』.臨完場由六位武師演遷馬旗手,翻騰走圓場退下. 到最屘匹馬武師牽回場大翻筋斗, 最屘筋斗必定翻到最高作為全劇尾聲. 即『包屘大翻』.

『包屘大翻』今指『屘屘屎』最後一名.