分類: 講古寮

『大頭菜』似蘿蔔而非蘿蔔.其『莖』肥大腌成鹹菜,滑嫩爽脆無渣.而『大頭菜』種坏,食落成口渣好似『生骨』.『縱』音近『種』所以『生骨大頭菜』形容『細孥仔』畀人『縱壞』.

『遮』出自『遮陽擋雨』,點解叫『傘』為『遮』.因『傘』音近『散』. 有『風吹鷄蛋殼財散安樂』『七魄散失魂不附體』一説,所以『散散』聲唔好聼.

每當大雨龍舟水至.就有嬸嬸拎巴士留低嘅『遮』.人地留低嘅『遮』都好拎分分鈡撞鬼.游魂野鬼最鍾意匿在『遮』入面,以『遮』代車跟住妳翻屋企.其實日本都有此傳説, 唔知日本鍾意用『透明遮』是咪與此有關.

『斬脚趾避沙蟲』源於『爛脚趾』皮膚病.雙脚成日畀水浸住.『甩皮發炎』『脚指出現針眼窿』『滲血』『又痕又疼』舊時無藥醫.被誤傳爲『沙蟲』導致.傳説痛起來會索性『斬脚趾』.今指『因小失大』.

當年去『南越』作戰美軍受深受此疾病蹂躪.因『南越』一年落水落到黑.雙脚容易浸濕侷住.美軍剛抵部長官同會畀一打襪,提醒要保持雙脚『乾爽』唔是就等切.

『戙』音近『洞』.指插在河邊之『木樁』,當『艇』埋岸與『戙』綁埋以免畀河水沖走.平民百姓棺材皆平放.若『侯』或『王』會挖條『隧』將棺木滑入墓,從頂睇墓形如『甲』字.

而有錢人會將棺材『戙企』插入墓穴. 『蟾蜍噬月』副壽『戙篤企』即『朝天葬』.至陰至邪上不通天下不道水,若葬此穴『辰時葬卯時發』即時見功.後人要風得風要雨得雨只手遮天.但此穴吞噬天地世間至惡至毒之邪物.天地無光日月變色邪氣惡刹『冚辦爛』會集此大兇穴.

在銀本位年代.用『銀幣』進行貨物貿易. 而『堅』銀幣含銀量達九成.『流』銀幣直接用『白銅』. 『白銅』呈銀白色.此『銅銀』指不含『白銀』用『白銅』製造『假幣』.『使銅銀夾大聲』即用『假幣』畀人發現仲大聲夾惡.

明國『越崗院』道觀改奉『三官大帝』並改名『三元宮』. 因坐『應元路』近『觀音山』且『土地』用『錫』灌鑄金身.吸引善信香火趨鼎.但後世被『不肖子孫』溶左. 自此『三元宮』變得冷冷清清.

『錫』與『惜』音近. 『惜』即『惜身』.工頭成日同工仔講.出來穩食唔可以太『錫身』.

『三魂』分指『善魂』主勇敢正義.『本魂』導懦弱無主見.『惡魂』偷呃拐騙.若『七魄』散失便『魂』不附體.最先離開肉身『惡魂』會四圍游蕩.有可能會被鬼差捉住送去地府.若『三魂』長時間未能依附肉身就會死.而還陽需三魂合體.此時若肉身被其她鬼魂上身.就會『自言自語』『手脚不協調』.即『鬼上身』或『精神分裂』

『三魂唔見七魄』今形容精神仿佛,神不守舍.

銀本位年代將白銀用啤機壓成『銀幣』.以便經濟領域流通.銀幣重約26.8g.一圓即一紋.無睇一紋在救市差無多成個月人工.

在網絡購得『袁大頭-中華民國八年造』.且通過拍賣首拍而得.點知一睇是仿品.幾十紋費事去追究.通過『仿』與『堅』比較. 『仿品』通過『磨』造舊『銀幣』但將大量細節『磢』去.『肩章』『邊齒』『衫領』幾乎『磢』到睇唔清.『顴骨』與『鼻翼』模糊.

『陸雲亭』排名第三.天資聰慧資質最高深得師傅心.傳其『呼風喚雨』『辟邪收妖』之術.但落山以嚟民國風調雨順,百姓安居樂業,日出而作日落而息帝力于我何哉.『陸雲亭』係廣州城隍廟『睇相批命』人稱『陸居士』.老婆聳他施法呃人攢錢.豈料同人睇相而得罪人.被拉去坐花廳.應左『唔衰攞嚟衰』.

在『宋國』因實施官辦養馬,馬匹總量大幅下跌,且全數供騎兵.即使位高權重高官,也只能騎『騾仔』. 『騾仔』由『馬公』同『驢乸』所生.『騾』由『馬』與『累』組成.『騾仔』勤力又唔病,食得小做得多.但『騾仔』無得生『細孥騾』只能做到死果日.根本無希望. 所以將『人工奀,冇前途』叫『捱騾仔』.

『奸人堅』源自『石堅』外號.點解甘多人用『堅』起名.源於『好為堅,差為古』.即『堅』等同『好』.后逐漸演變為『堅唔堅』即『真為堅』.

在銀本位年代『白銀』存量細,所以『白銀』幣值高.以白銀鑄造銀錠最小十兩.用於貨物交易需將白銀切割為『碎銀』便於支付.儅經濟活動規模越來越大.若無足夠『白銀』用於貨物交易,經濟活動便會缺血變成通縮.後用『紙幣』取代『白銀』.而『白銀』只用于工業首飾價值大幅貶低.今細面紙幣叫『散紙』,鑄幣叫『散銀』或『碎銀』.

上圖『銀錠』估是仿品淨重107.4克.舊時『碎銀』用火鉗剪碎.

『反骨』指『後枕骨』與『前額骨』.從側面睇 『後枕骨』或『前額骨』明顯突出.就叫腦生反骨.『諸葛亮』誅殺軍事天才『魏延』就以腦生反骨之名.

『反骨仔』亦叫『二五仔』.不過『馬寧兒』是否有反骨就不得而知.

『細』即『細細粒』.『孥』意指『仔女』音近『路』.所以『細孥』常寫作『細路』.介於『穌蝦』與『後生』之間.所以仔仔叫『細孥哥』而囡囡叫『細孥囡』.

『踎』由『足』與『否』合成,即膝頭髁彎曲,靠雙腳承受體重.

『墩』指平地堆高丘,本意『困守』.此指碼頭縛船纜矮柱,即『纜墩』.

『踎墩』一詞專指『碼頭咕喱』, 『踎』在『纜墩』上等工頭聘請.琴日有工開就有飯吃,聼日冇工開就聼勒緊褲頭.因『窮鬼至惡』有『惡過碼頭咕喱』一說,而比『碼頭咕喱』窮只有『失業』.

『戥』音近『鄧』.高精度平衡『戥秤』,一則為『榜稱』另一則為『砝碼』.精度達0.1克.用于稱『金銀』『漢藥』.

『戥穿石』實爲『戥豬石』.舊時豬農擔『豬』去『墟』販賣. 『豬籠』擔『豬仔』,另一頭須用同等重量石塊『戥』勻稱. 因擔『穿』過『豬籠』『戥豬石』『戥』翻勻.所以演變爲『戥穿石』. 賣『豬』後『戥豬石』就唔會拎走.今比喻伴郎.朋友結婚一力幫手多方招架.婚禮結束即收工.

『戥』亦用於『戥勻』『戥秤』.

『撚』實為琵琶按弦指法

『撚手』指將多股綿線搓卷緊實.今『撚手』指精心炮製如『撚手菜』

細路果陣嘛嘛成日講『坳胡來啦』.其實『坳胡』源自虎嘯.舊時『虎』會走入村莊咬死細路幷非傳說.細路仔矮『虎』一啖就咬斷頸椎幷斷氣.連哎機會都無.大羅神仙都救唔番.

所以『坳胡』正寫『虓唬』.『虓』音近『坳』.『唬』音近『虎』.『虓』與『唬』雙聲同義,指『虎聲』『虎鳴』.

『磢手』源自雙手用梘沙互磢除污.『磢』音近『省』, 指『兩物互刷』. 『洗手』與『磢手』相比同為清潔.但『洗手』指用水沖洗.而『磢手』指雙手用力互刷除垢.

清末民初『市橋』工業興旺,製造『蠟燭』商戶衆多.而『市橋』『蠟燭』『燈芯』頭幼身粗.『燈芯』外露部份幼細.而『燈芯』粗由多股棉綫卷製.『蠟燭』點燃『燭芯』外露部分逐漸變長,多股棉線自動散開燃燒殆盡.無需人手剪燭點到尾而聞名.

今『市橋蠟燭假細心』形容人睇到後生女變得文靜斯文.

『南安』九月秋涼.將糯穀炒熟穀肥『麻鴨』.在『冬前』二十日左右.劏『鴨』以粗鹽殗一禮拜.溫水漂洗遮陽風乾兩禮拜.整過程約二十餘日後上市.『臘鴨』吹北風太多鴨肉收縮鹹味過重.北風吹唔夠又唔夠甘香『未夠身』.而『東莞』多用烤爐焗製.

正宗『南安』臘鴨只有十餘両重.而『東莞』臘鴨每隻起碼兩斤.所以將『南安』與『東莞』臘鴨搭配賣.一隻肥攋一隻瘦『冬前臘鴨隻攋隻』.

『姣』正寫『鱟』遠古海洋生物,音近『姣』.『乸鱟』會吸住船身唔放,所以疍家所講『發鱟』正源於此.而每當春夏之交『鱟』『交合繁衍』. 形體肥大『乸』馱著『公』 形影不離『隻攋隻』. 因『鱟』筆畫較多,以其形意貼合『女交』『姣』代寫. 所以『姣』意指『淫』.

今『發姣』指『淫蕩』『淫亂』.

『撳水魚』源於『劏水魚』,捉『水魚』若被咬住分分鈡『死口唔放』痛不堪言.先『撳水魚』背脊唔放.再捉住『水魚』尾提起.撳在砧板儅頭伸出時一刀劈落.

因『水魚』被撳『肉隨砧板上任人魚肉』.所以將『受人擺佈無得反抗』叫『撳水魚』.

『三隻手』正寫『掱手』, 『掱』音『扒』. 即『掱手』『扒手』同義. 但『掱手』更加形意貼切.由于『掱』筆畫多,於是將『掱手』演變為『三隻手』.相傳神偷最高境界即使高舉雙手,只要其走近目標.身一挨即可偷其銀包.

『執笠』出自『籩人執笠』. 『執』指『守持』動作. 『笠』指『無柄竹遮』.

今『執笠』指『公司』『舖頭』清盤倒閉. 『執』指『踎低執起』,『笠』指『竹笠』. 『執笠』源於『墟市』地攤收檔,執起貨物放翻竹笠.

『花臣』源於英文Fashion『潮流』『新款』.後演變為『噱頭』.

『發爛渣』出自『陳年生草藥-發爛渣』. 『陳年』指多年陳放.『生草藥』漢藥主要原料. 『爛渣』指『爛茶渣』.『發爛渣』與『發狼戾』本意相差冇幾.

舊時有間『涼茶舖』賣涼茶,藥效靈生意好.其他『涼茶舖』想偷配方.偷偷去執『茶渣』翻去研究. 『涼茶舖』主人家發現後好嬲,之後倒『茶渣』前先舂碎,稱之為『發爛茶渣』    .

『柴』指枯死樹木.『拉』指拉倒.將『柴』劈開橫放地面,睇似『屍身』堆叠.將『拉柴』比作『死人』更爲貼意.

相傳洪門中人以『柴』『草』指清囯官兵,若擒獲必處死刑叫『拉柴』.

『冚辦爛』本意『通通』英譯Hampalang.據饒宗頤教授研究可能是古波斯語.波斯人到中土傳播拜火教及經商而傳入.

當你被清兵圍困大叫『唔好郁』『冚辦爛散開』.

『度』讀『鐸』指『猜度』『揣度』『猜測』『推測』.

『橋』常指『橋段』有『屎橋』『靚橋』之分.

『度橋』即『度條靚橋』特指撰寫劇本.

來路貨『來路』源自Royal音譯.『路』變調讀『佬』. Royal本意『皇家』. 而『來路貨』特指英國商品.後泛指所有外國商品.

『墟』指『墟市』,商賈貨物輻湊處.『墟市』常處於村與村之間.村民行路約莫半粒鈡.販賣商品多爲農副製品或手工成品.『米』『酒』『豬牛』『山羊』『雞鵝鴨』『魚』『臘鴨』『蔗』

『冚』即『冚唥』音『憾』.

『墟冚』本指墟市人聲鼎沸.實景可睇『賓墟』.

『莫』即『冇』

『釐』即『合理』.

『頭』指『首』

『尻』指『脊骨盡處』

『莫釐頭尻』指做人做事頭尾不分亂曬大籠.進而引申為『無厘頭』.

『砌』指『堆砌』『砌詞』.『砌生豬肉』源於警員在落簿時將未偵破檔案,一份份擺臺面堆叠,格硬要無辜承認,似足太公分豬肉,將『生豬肉』切一堆堆分給男丁,太公分豬肉人人有份但冇得揀擇.

『蛇呱 』形容人『騰雞』『驚青』『淆底』.來自英文SCARE音譯.源自雜差與鬼頭溝通英語『唔好咁蛇呱』.

『爛頭蟀』源於『鬥蟀』规定『有牙無翼是贏,有翼無牙算輸』.而有蟀子鬥心極强.即使『落牙』『爛頭』『斷肢』『破腹』. 仍死不输.振翼高鸣, 绕盘走避.而今『爛頭蟀』解為Condom最貼意

『裝』可以指『挖窿』或『裝置』.『彈弓』指扭簧用於自動彈開機關.『裝彈弓』從文解字安裝自動誘捕機關.意指設局陷害.

『斟』指勺酒入盞.『酌』指盛酒奉客. 『斟酌』兩字本意均為『倒酒』但有些許區別.倒酒退縮曰『斟』,倒酒過盈曰『酌』. 而倒酒需適中剛好. 所以『斟酌』指『反覆考慮遲疑取捨』.

『斟世界』此『世界』指『蠱惑』.所以『斟世界』即『斟蠱惑』.

『殺青』即『定稿』源自漢字著書.『初稿』於『竹簡』書寫.由於『竹青』表面浮滑易於改寫. 待『定稿』後削去『竹青』即『殺青』.現出『竹白』書寫『定稿』.墨滲入『竹白』無法更改. 後世將『定稿』叫『殺青』.

『竹簡』為長條,漢字以此經千年發展而成.所以『漢字』以竪排最為合理.

『殺你』用于交易雙方講價還價過程『開天撒價落地還錢』,當一方嗌『殺你』即以當前『嗌價』成交.

雖『殺』與『撒』音近.但單獨使用寫作『殺價』更音意貼合.

『殺』此指『收』.『攤』指『檔攤』. 『殺攤』兩字合起指『收檔』. 『復工』與『收檔』相對.

『打斧頭』源自『程咬金打斧頭』,而『咬金』即『吞金』有吞食金錢之意.故將篤數牟利叫『打斧頭』.

相傳『程咬金』以『斧』作武器.武藝排名唔高成世夠運.『程咬金三板斧』打唔贏就走.最後成唐囯開囯二十四功臣之一.享『淩煙閣』供奉『真像』.

『碼』指『法碼』.用於校準『秤』. 黃金『秤』非常靈敏 『法碼』輕.而重『秤』靈敏低『法碼』較重,放輕『法碼』唔『起秤』.將『起秤』最細『法碼』叫『起碼』.上圖『法碼』為100克.

『起碼』今指最低限度.

舊時『王』『侯』登位.即修陵直到死.且僭越挖『隧』.黎民百姓有樣學樣.『隧』無銀挖.不過買定福『壽』放埞屋企.

『埞』指『地方』.『唔知埞』可理解為『唔識路』.但聯同『買棺材』即『冇有識死』.

『生保』源自『清國』實行保甲制.『十戶爲牌,十牌爲甲,十甲爲保,聯保連坐』.『保』指『擔保』,若非保內之入進入即『生保』.需有擔保.而『生保人』一說暴『生暴人』,『暴』指『忽突』.

『穌蝦』即『嬰兒』源自『臊孲崽』,『 臊』指嬰兒氣味.『孲』指嬰兒叫聲.後逐漸演變成『穌蝦仔』,而女仔叫『穌蝦女』.『蝦』捲曲如嬰兒. 『穌』本意死而更生即『甦』.所以『耶穌』為『耶和華』之子.亦可理解為『耶和華』復生.

『擒青』即『擒高採青』源自『舞獅』最後環節『採青』.所謂『青』即『利是青菜』即利是綁青菜.源於『青菜』即『生菜』音似『生財』. 『青』越高難度越大.『採青』分十一舞段『尋青』『睇青』『驚青』『疑青』『試青』『踏青』『撕青』『嚼青』『食青』『醉青』『吐青』.若頭『獅』急於多收幾家利是.未依套路直接跳去『食青』.被譏諷爲『擒青』.今『擒青』多指心急,曡字版『擒擒青』同意.

『漏氣』出自『論曲•論唱』『落膈漏氣』. 『膈』指『橫膈膜』,源于唱功,吸氣時橫膈膜下降.發聲時橫膈膜保持則聲音飽滿,而漏氣聲音虛散.『漏氣』今指做人做事『咪摸』.

『頭』指『花錦鱔頭』.『花錦鱔』乃鱔中極品, 皮厚肉香,入口甘腴『鱔頭』更是珍品,治療頭風,滋補養腎,行氣活血,以形補形男士補品. 因『花錦鱔』相當罕有,產量極小,身價不菲,需有人認購『鱔頭』先會劏鱔.即劏『花錦鱔』貼紅紙街招『穩人認頭』預定.

『鱔』指花錦鱔.『稿』指宣傳稿.以文解字『鱔稿』指花錦鱔宣傳稿.今專指『廣告稿』.

由于『花錦鱔』產量極小身價矜貴以両計價,酒家貼紅紙街招,登廣告博宣傳.司理每年更請記者食鱔.食完之後記者寫番篇『鱔稿』還人情.

『荷蘭水』特指『梳打水』soda water.將三個大氣壓『二氧化碳』壓入糖水.當『二氧化碳』氣體溶解于水中.生成碳酸給人刺鼻味道.相傳『荷蘭水』由首荷蘭貨船運來.

『荷蘭水蓋』本指汽水樽蓋. 由於外形似『勳章』. 特指由上千年歷史英國皇室親自頒發『勳章』『爵位』以表其功績.

『陰』指『人所不見』, 『騭』指『暗中施與』.所以『陰騭』指『默行德善』.相傳地府有本『百姓行述』記錄百姓言行.自然有睇唔到『陰騭』值,施善德加『陰騭』, 施惡行減『陰騭』即『冇陰騭』.

『閉翳』原指『封閉翳局』可引申為『閉障侷促』『輾轉翳悶』.漢醫有『心口翳好閉翳』.歌謠有『唔使問阿桂,今日實閉翳』.

1936年西班牙內戰,『佛朗哥』派遣其『摩拉』將軍圍困馬德裏,向記者透露擁有五支縱隊,四支城外,一支城內.而城內『第五縱隊』Fifth column正秘密潛伏開門引兵.

『第五縱隊』今指長期匿藏于國內,秘密為其祖國提供情報協同作戰.

✡『大衛星』Star of David六角星由正三角與倒三角組成.原意『大衛之盾』Magen David象徵『神之守護』.古以色列羅門王將大衛星作爲猶太王囯囯徵.兩千年來一直作『猶太』標誌.至今作為色列國旗.

『出恭』源自『出恭入敬』即『出入恭敬』.舊時文科科舉考場.考生在貢院三日裏.食宿均在號舍解決.若肚屙取『出恭』牌離開.翻回號舍需換『入敬』牌.以避免考生作弊.

後引申屙大叫『出大恭』, 屙細叫『出細恭』

『疫苗』Vaccine微生物製劑,通過產生抗體預防疾病侵襲身體.該詞源於拉丁文『牛』VACCA.

十八世紀天花肆虐歐洲,雖然掌握人痘接種術,但用『天花』病毒最終產生抗體非常危險.醫生『愛德華•詹納』Edward Jenner.用牛『天花』即『牛痘』病毒在人躰接種.讓人自然產生抗體抵禦『天花』病毒.後世研發『疫苗』Vaccine均以『愛德華•詹納』理論製作而成.

德囯維爾茨堡1895年.物理學家『威廉·倫琴』Wilhelm Roentgen.在一次實現中發現,『陰極射綫管』發現『未知射綫』可穿透皮膚即『X光』.在相片上對骨骰顯影,在1901年獲得首次『諾貝爾獎』. 自此『X光』被大量應用醫療診斷.

『陰極射綫管』由德國物理學家『菲利普·萊納德』發明.但『威廉·倫琴』發表『未知射綫』論文後,且可能獲得『諾貝爾獎』.『菲利普·萊納德』大發雷霆穩其所在學院寫保薦書給『諾貝爾委員會』嘗試阻撈.

源於舊時順德杏壇鎮『阿鈞』草『新抱』愛情古仔.順德女仔擺酒後只在『初一』『十五』去丈夫屋企住一兩晚,等有細路仔先入門.但阿鈞『新抱』後生靚女.未等到有細路就畀她過門.但偏偏過門未夠三日就過生.而兩人無細路只好由『阿鈞』『擔幡買水』. 『阿鈞』在『新抱』屍身則『買水』喊得凄凉.『南磨佬』同『阿鈞』講.唔好太傷心,人死不能復生.要釘蓋有嚒同老婆講加下就好講.『阿鈞』太傷心講左句『屌得妳少』.

『下欄』出自戲班『下欄人』.女叫『梅香』,男叫『拉扯』『手下』『兵仔』.而『下欄』在『食肆』指『菜頭菜尾』『肉頭肉尾』.將『下欄』作花神賣貴貴叫『下欄扮上菜』.

『糯米雞』在舊時涵料多.源于『收檔嘢』將賣剩『下欄』如『鶏粹』『肥肉』即『肉頭肉尾』.以糯米放入『下欄』.最後用『荷葉』外包蒸.

『荷蘭叻』指『好撚叻』.源於『荷蘭』英文Holland音似『好撚』. 此『撚』指『男性器官』.而 『好撚叻』暗指『懶鳩叻』.『鳩』指『男性器官』『硬』起狀態.

『懶鳩叻』指懶醒.

要分辯『真和尚』與『假和尚』是否行『托鉢』.『和尚』企或坐在街邊揸『鉢』.而善眾善心畀『米』『飯』供養『和尚』此為『托鉢』. 善眾可以唔畀『錢』『和尚』亦唔會開口問你摞或騷擾.試想『和尚』無需『托鉢』以溫飽.代表『和尚廟』擁有大量田地或其它收入是否仲是『和尚』.『托鉢』在『日本』『泰囯』尚存.而其它國家『托鉢』只作為儀式存在.

舊時『映畫戲院』上『映畫戲』叫『上畫』.檔期完結叫『落畫』.若票房低則提早換『映畫戲』叫『換畫』.

現『換畫』指換『新歡』.『舊愛』則『落畫』.

『積』源於英文Jack『千斤頂』音義相譯. 『積』可理解為『類積』.『千斤頂』通過連續上下按壓『搖臂』繞螺桿旋轉『積』起重物.此動作成爲『積』.

『做到隻積』指不斷重複流水綫工作.辛苦泯滅人性工作.

古希臘神話少女『阿拉克涅』Arachne.向女神『雅典娜』Athena挑戰編織. 『阿拉克涅』編織神祗風流秘事.『雅典娜』逼她上吊自盡.並將『阿拉克涅』屍身變成『蜘蛛』.上身爲女人下身爲蜘蛛擁有八隻脚.永生永世子子孫孫編織蜘蛛網.

Arachnid『蛛形綱動物』源於希臘語 arachne

『患』指『疾』『禍』

『難』指『災』『困』『逆』

『患難』出自『三國演義』『不思患難以致滅亡』.從文解字『災禍』.

『患難之交』共同經歷『災禍』在『逆境』結交老友.

『丘比特』Cupid為古羅馬『性愛神』.在希臘神話他叫『厄羅斯』Eros.『愛神』『阿佛洛狄忒』之子.背脊生羽翼.赤裸條條橨細路仔.手執弓箭.儅射金箭男女相愛.而射鉛箭男女相惡.

英國每年從滿清入口大量紅茶.但自首次英清戰爭後,滿清唔賣茶葉給英國以示制裁.英囯人決定自已種茶葉,但英囯氣候不適宜.後在『錫蘭』成功種植.該紅茶以英國首相『查爾斯•格雷』Charles Gray『格雷伯爵二世』the 2nd Earl Grey命名.

『伯爵茶』在錫蘭紅茶基礎上加入佛手柑油,味麝香.

睇韓劇經常聽到『竹馬之交』. 出自『青梅竹馬,兩小無猜』.『竹馬』指竹制『搖椅』即『搖搖馬』.所以『竹馬之交』指『自細玩大』『自細打大』.

古希臘神話『信神』Hermes『赫耳墨斯』與『愛神』Aphrodite『阿佛洛狄忒』有一獨子, 美少年Hermaphroditus『赫耳瑪佛洛狄托斯』.『水仙女』Salmacis『薩爾瑪西斯』在仙女瀑布沖凉沐浴.被『赫耳瑪佛洛狄托斯』撞破幷奪羽衣. 『薩爾瑪西斯』緊抱其不放祈求宙斯將其結合.因而『赫耳瑪佛洛狄托斯』成爲『兩性神』god of hermaphrodite同時擁有雌雄性器官于一體.

舊時『映畫戲』無配音即『默片』.為易解劇情戲院聘請『解畫佬』解說.『解畫佬』口若懸河自由發揮『言語離戲』.

『解畫』今指解惑釋疑.

『道瓊斯指數』亦叫『道瓊斯平均指數』.『紐約證卷交易』相對股票價格指數.現時以三十只代表性股票得出.的名於其創辦人『查理斯·道』Charles Henry Dow與『愛得華·瓊斯』Edward D Jones.兩于1882年建立『道瓊斯公司』Dow-Jones and Co.為『華爾街』金融公司提供諮訊.

『醉貓』今指飲得酩酊大醉.『醉貓』本指草本植物.又名『貓薄荷』Nepeta cataria.『貓』吞食後變得『興奮』狀似醉酒而得名.

據『清異錄』記載以『蒔蘿』『醉貓』煮飯食用養生.

『托水龍』本指『公產私用』.今指代收金錢冇還原主悉數吞沒.

『龍舟』用樟木製作可防蟲.閑時沉於河塘淤泥以防乾裂.因環境濕度大幅度改變會令樟木加速曝裂. 『端午』前夕拜神儀式過後『出水龍』.將『龍舟』從淤泥挖起托上岸. 村民先食『龍舟飯』.後與兄弟村『扒龍舟』.

若私下將『龍舟』挖起 .則叫『托水龍』

之前識得個『朋友』話『親戚』點樣點樣.但『親戚』有別勻為一談實屬不智.

『孔穎達』其著『正義』『親指族內,戚言族外』『內指血親,外言姻親』『血指同宗,姻言異宗』.

『族內』指『血親』,『族外』指『姻親』.所以『緣分』有『血緣』與『姻緣』.『宗族』分『同宗』與『異宗』.

『烏利單刀』從文解字『烏利』將軍把木柄單刀.因『烏利』與『烏籠』首字同,逐漸演變爲『亂籠』之義.

話説『南宋』未年.『蒙元』國大軍南下,匪首『忽必烈』從『波斯』囯得到『拋石機』技術. 在『鹹淳』九年破『襄樊』城墻.『蒙軍』渡過長江.『德祐』二年『臨安』陷落. 丞相『陸秀夫』在『厓門』建立南宋軍事據點.『祥興』二年『蒙軍』圍困『厓門』斷水斷糧, 『陸秀夫』抱著8歲皇帝仔『趙昺』在『厓山』跳厓自盡.儘皇族義務免百姓受害.

『厓門』位於『香山』附近.東『厓山』西『湯瓶山』延伸入海地勢險要. 『蒙軍』將領『烏利』在『坦洲』圍剿宋軍外圍據點.不慎墮河因衫褲吸水.掙扎幾下便淹死. 『蒙元』强逼南粵百姓建廟拜祭. 『烏利將軍廟』供奉神像正是『烏利』手執『單刀』像.

至於『新會棠下』收藏『偃月刀』未必是『烏利單刀』.難以想像蒙古將軍會用宋軍『偃月刀』作武器.其在當地發現『偃月刀』絕非孤品.

之前識得條友,經常話識得邊個邊個是他『朋友』, 『朋友多』一人請他食一餐飯可食三個月.懷疑『朋友』是否有濫用之嫌.

『論語』『益者三友,損者三友,』將『朋友』分為『益友』與『損友』.

『益友』分『正直』『友諒』『博學多聞』.即『良師益友』.

『損友』分『阿諛諂媚』『姦佞』『虛偽矯飾』.所以將『損友』睇作『朋友』都啱.

酒樓門口招聘睇到『地哩』職位.其職責酒樓內傳菜. 『地哩』起源于Pantry音譯『班地哩』.音讀長簡化為『地哩』.每道『送』經『廚師』->『地哩』->『侍應』再到食客檯面.在『廚師』到『侍應』相隔『地哩』.源於避免『侍應』頻繁進入『廚房』沾染『灰塵』『油煙』.

舊時夫家休棄妻室.需以『七出之條』否則視作無理休妻.所謂『七出』是指七種趕出傢門理由幷納入律例.

『索氣』即『氣索』.出自『周易參同契』『氣索命將絕,體死亡魄魂』.

『氣』指抖氣.『索』指繩索. 『索氣』從文解字『索住道氣』即『氣厥』

『摩登』源於modern音譯.『摩登』源于『佛說摩登女經』『摩登伽女』,指古印度首陀羅種姓後生女.

但『摩登』亦屬音義雙譯. 『摩』指『迎合』,『登』指『上位』.『摩登』從文解字『迎合上位』.

『瓜』指『冬瓜豆腐』

『老』指『考终命-老寿而终』

『襯』指『空棺』出自『小尔雅』-『空棺謂之櫬,有屍謂之柩』

『瓜老襯』今指『賣鹹鴨蛋』.

『冬瓜豆腐』指『死於非命』同時是味『送』.解穢酒答謝致祭親友.七餸一湯必有『冬瓜豆腐』.緣於『冬瓜豆腐』用于祭祀亡魂.相傳亡魂好肚餓點食都覺得餓.『冬瓜豆腐』煮熟變爛只有亡魂可用手取食.避免畀人取食.

『蒸』指蒸煮

『生』指未熟

『瓜』指番薯

『蒸生瓜』指『熟唔透』. 『熟』與『淑』近音.『淑唔透』指女仔唔夠慧嫻賢淑.

若瓜未熟透食落口會『侲』, 『侲』音近『神』,據『後漢書』記載『選中黃門子弟年十歲以上,十二以下,百二十人為侲子,皆赤幘早制,執大鞀』.所謂『侲子』是指十到十二嵗細路.作靈童驅邪治鬼.神靈上身振身振勢瘋言瘋語.

『西班牙』在南美發現銀‎礦,大量製作西班牙銀元『佛銀』作爲流通貨幣.每幣27.22克成色90.0%,含銀24.5克.由於『佛銀』成色重量穩定.百姓鍾意『佛銀』作國際通用貿易貨幣.『滿清』光緒十四年開設銀元局鑄造銀幣,幣身刻有蟠龍圖形,稱為『龍銀』『龍洋』.

『數龍』即『磅水』

『養眼』起源於『漾眼』.『漾』本義『水波蕩漾』.指河水流波動反射日光畫風.詩曰『漣漪繁波漾』. 『漾眼』轉音『養眼』.今指女仔面相娟好,骨小肉多.

『拋』指拋擲.

『浪頭』指海浪

『拋浪頭』當海風刮起海浪,而海浪湧向海岸,因海床升高,海浪也隨之升高,來勢洶洶形成海浪拍打海岸效果.今指『虛張聲勢,以勢壓人』.有首歌謠以『拋浪頭』為主題『掟磚頭,鬥大嚿,一掟掟到西門口,濺起浪花拋浪頭』

Cent音譯『仙』.貨幣最細單位.一『圓』即十『豪』,一『豪』即十『仙』.『五仙』即『斗零』.『仙都唔仙吓』即『身無分文』.

『睄』本意『小視』『輕視』『略睇』.出自『集韻』『睄,所教切,小視也』,『眼睄睄』指左右掃視.

『昭』音『超』出自『類篇』『以目玩人謂之眧』,有 『眼眧眧』『唔順眧』.今指『目光挑逗』『眼超超,串串貢,俾人打』『眼超超,牙擦擦』

Yahoo源於小説『格列佛游記』Gulliver’s Travel講敘四次島國冒險之旅. 講敘『格列佛』Gulliver在『慧駰國』Houyhnhnms遊記所發現『野人』Yahoo.今指搜索引擎公司.

『數位背景素材集』-『通學路篇』ARMZ著漢譯版,網絡訂購經月有餘終於發貨.本書收錄通學路途各式背景綫稿 ,最重要可合法用于商業與個人創作.