分類: 講古寮

歌謠之九月九

九月九 係重陽 放紙鷂 線愛長 紙鷂飛得高 個個樂洋洋

『九月九』-農曆九月九日,日月並陽. 兩九相重, 所以叫『重陽』亦稱『重九』. 『重陽登高』寓意『步步高昇』.

『紙鷂』用『竹』做骨,『紙』做肉,借風飛天,『紙鷂』加『哨』子, 其鳴如『箏』,所以叫『風箏』.

『重陽』秋高氣爽最啱『登高』『放紙鷂』.

 

謎語之砂盆盅砂盆

砂盆盅砂盆 雨屘灑衙門

謎底:石磨

『盅』有『局盅』『茶盅』

『雨屘』指雨粉粉

『衙門』指『牙門』

謎語之遠睇一碗飯

遠睇一碗飯 行埋唔敢喫

貼士:開門七件事之一

謎底:鹽

 

歌謠之順風順水過沙灣

順風順水過沙灣 逆風逆水過河南 河南有間金花廟 髯大姊求仔生 許落雞膥和鸭蛋 個時生仔個時還

『髯』正係『虯髯客』『美髯公』之      『髯』.

『』音近『陰』,本應上『髟』下『任』組成.指額頭『髮』.

『髯』指未婚『後生女』.

『沙灣』『河南』同係島,『沙灣』有條『雞膥巷』.『河南』冇有知『金花廟』在邊.每年四月十七為『金花誕』, 向『金花娘娘』 求子甚驗.當生仔後用『雞膥』『鴨蛋』還神. 『花』指『花女』即『處女』.

『巫女』工作與『藝伎』『老舉』相似.

『南漢國』被野蠻民族入侵攻破宮城, 女宮巫『金花』于王宮池塘沉湖自盡.死前祈願惠澤福蔭『南漢國民』.其 『宮池』改名『仙湖』.後人在 『仙湖』旁建『金花廟』祈嗣求子甚驗 .其神像叫『金花普主惠福夫人』所以亦叫『惠福祠』.現今只剩『惠福巷』『仙湖街』.

 

 

歌謠之亞駝駝

亞駝駝 賣燒鵝 燒鵝貴 賣過世 燒鵝平 亞駝冇命

 

歌謠之雞公仔尾拍拍

雞公仔 尾拍拍 跟老竇去見客 見齊世叔伯 每人畀我幾紋錢 足足草埋有幾百 買對皮鞋仔 響颯颯 買枝風槍仔嚟打賊 自細練到精 大嚟唔驚嚇

『颯』指『英姿颯爽』

歌謠之一個月光照九州

一個月光照九州 照見九嫂冇梳九月頭 九哥翻到沙灘口 九嫂搽脂搽粉又搽油 買定素馨傍髻後 梳把長髮墜到落膊頭

『九月頭』指已過中秋

『素社』栽種『素馨』花作頭飾.

『搽油』此指『素馨』花香水.

謎語之十指尖尖唔繡花

十指尖尖唔繡花 唔思飲食唔思茶 有眼唔觀天 有頭唔戴花

貼士:

謎底:畫上美人

 

謎語之上山斬柴

上山斬柴 斬歸屋企做孤兒 上落高低多得佢 總好過親生仔

貼士: 猜一物

謎底: 拐杖

 

謎語之紙咁薄

紙咁薄 薄過紙 一萬將軍抬唔起

貼士:猜一天體

謎底:月光

 

謎語之細時綠鬢婆娑

細時綠鬢婆娑 自入郎手靑少黄多 經幾多磋磨 歷幾許風波 莫提起 提起嚟 淚滿江河

謎底: 船篙

『靑』即『青』

『船篙』即『竹篙』, 咁『竹篙巷』係咪與此有關.

 

謎語之一個細蚊仔

一個細蚊仔 著件紅衫仔 愈行愈矮

謎底:臘燭

 

『柴』可『煮食』『取暖』, 『柴夫』上山斬『柴』.

『米』著『飯』要『柴』, 煲『水』要『柴』. 『喫飯』『喫水』只能維持條命. 即『挨世界』

『油』通過『豬肉』或『花生』提煉而得.養『豬』種『花生』非常普及.

『鹽』因『喫飯』冇法獲得足够鈉.必須品所以有『鹽稅』.

『醬』指『豉油』,主要『黃豆』加『生粉』『鹽』腌製工序繁複.

『醋』用『米』釀製.即有餘『米』.

『茶』擺在最後幷非必須品,且價格比米貴機倍,幷非人人都飲.但有助『血液』循環同減輕『腸胃』負擔. 即『嘆世界』.

當屋企『柴米油鹽醬醋茶』俱在時.可睇出舊百姓生活唔差.

 

東唔開西唔開 十月梅花透切開 越北冇得嚟 年年西村大擔嚟

謎底:暴拆

歌謠之月光光月明明

月光光 月明明 亞公保佑我聰明 人拜我又拜 拜到出年好世界 亞爹打枝金簪亞媽戴 我唔戴 丟落床頭老鼠拉 拉去邊 拉去大新街 大新街有乜賣 有珍珠賣

靜靜雞偷亞媽支髮簪去大新街,穩二叔公具咗佢.

歌謠之月光光照紗窻

月光光 照紗窻 照得契爺娶契娘 契娘頭髮未曾長 遲得兩年梳大髻 哋哋咑咑草翻歸

『紗窻』指『紗窗』

『草翻歸』即『草新抱』.舊時女仔細細個就出稼.因醫療同清潔唔靚,『穌蝦』多夭折.生十個八個都好正常.

歌謠之點指兵兵

点指兵兵 兵兵在東 鯉魚下冲 猪骨魚肋 肋肋魚腮 時時縮埋脚仔

 

歌謠之點脚冰冰

點脚冰冰 男在南山 鯉魚蝦公 牛蹄馬蹄 是但叔買 一隻爛臭猪蹄

 

歌謠之點猫猫

點猫猫 猫婆竇 問你捉猪又捉牛 捉到黃牛三百両 球瑞球 開花點豉油 一人甲住好開行

『竇』有『狗竇』『猫竇』『雀竇』

『甲住』即『夾住』

『開行』即『贏到開行』

 

歌謠之拍大脾唱山歌

拍大脾 唱山歌 人人虾我冇老婆 啲起心肝嚟撈個 有銀娶過千金姐 冇銀娶過豆皮婆 疴屎疴一籮 疴屎冲大海 疴蝨打銅鑼

『疴屎疴一籮』指『講大話』

『智者』窮其一生學問以『文字』記錄傳畀後人. 而後世『智者』在『前輩』基礎上深造,經曆一代代『智者』積纍.其各門派學科得以逐步發展.即『文生智』.

『唐國』『章麗山』『焚書坑』『坑灰未凍山東亂,劉項原嚟唔讀書』.睇出齋靠『文字』難將思想傳播.千年之後有人睇出『語言』可將『思想』輻射傳播.

『語言』長期處於暗黑『思想』亦黑暗, 反過嚟『語言』長期沐浴於陽光『思想』『如陽光』耀眼.反睇『語言』亦係城墻免受暗黑『思想』感染.即『近朱者赤, 近墨者黑』.若『語言』黑暗其『智者』圍繞『思想』研究而走向深淵. 所以『暗黑』『思想』傳播必先消滅其它『語言』與『文字』.

㰖核咁尖 㰖核咁大 閂埋門 會行出街

謎底:燈火

 

一隻蟹 孻孻快快 師姑唔摸 和尙唔買

謎底:孭帶

謎語記翻細孥仔果陣嘛嘛拎孭帶孭我記憶.『孭』字本應『左扌上刀下具』組成. 用手寫板識別唔到.

『李福林』字『登同』『大塘』鄉人,翻海幢寺『福軍總部』,其『參謀』睇新聞紙. 『李福林』問『你班契弟睇乜嘢咁好笑』. 『參謀』唔知佢唔識字,遞新聞紙畀佢.『李福林』唔識字睇報紙『掉轉嚟』.『副官』醒目斟茶畀佢『飲杯茶先』. 『李福林放』低報紙『都唔知講乜』. 所以有『李福林睇報紙』『掉轉嚟』.

 

『李福林』字『登同』音近『燈筒』,花名『李燈筒』. 民國十一年四月『孫大炮』逼令『李福林』北伐,誓师致词『撈家要聽阿頭話,老舉要聽龜婆話,我聽孫中山話,依家孫中山叫我哋北伐,你班契弟要聽我話,去喇契弟.』

『撈家』『撈世界』即『世界仔』, 亦即『古惑仔』.

麻雀仔企瓦坑 姑長聲聲留我食晏 姑長唔聲我唔行

『麻雀仔』此指『細孥仔』

『瓦坑』即瓦片接駁位,此指『屋企』

『食晏』即『食晏晝飯』

『唔聲』即『唔出聲』

整首歌謠指細孥仔去姑長屋企黐餐.

 

『食豆腐』指食齋,佛教相傳人死後按『五戒』審判『戒殺生』『戒偷盜』『戒邪淫』『戒妄語』『戒飲酒』, 按其生前善惡判至『六道』之一. 『六道』分『天道』『人間道』『阿修羅道』『畜生道』 『餓鬼道』『地獄道』.

判去『人間道』重生投胎轉世為人.

判去『畜生道』投胎為鳥獸禽畜.

判至『餓鬼道』冇得投胎, 三魂處於飢餓口渴狀態.

判去『阿修羅道』冇得投胎,三魂不斷殺戮爭奪.

判至『地獄道』冇得投胎,需受『八大地獄』刑罰,刑期長長.

判至『天道』三魂突破天靈蓋拋弃肉身,飛升天界位列仙册.

按『五戒』審判縱使一世喫長齋,亦冇法升仙.況僅食塊豆腐.

一個月光照九州 有人快活有人愁 有人樓上吹簫鼓 有人地下歎風流

『九州』自古漢地,『冀州』『兗州』『青州』『徐州』『揚州』『荊州』『豫州』『梁州』『雍州』

『吹簫鼓』指老舉寨

『歎風流』指捱世界

 

月光光 照地塘 照睇陳塘白米行 照睇妹仔嚟糴米 頭髮又長 花粉又香 點得我個矯妻佢一樣 熱茶途飯透心凉

『月光光照地塘』指有天井西關大屋而非騎樓,窮人糴米餐餐糴月底埋數,後生女啱啱番梘沖凉長髮飄香,去糴米多人撩.

『熱茶途飯』指『途湯』.

珍珠玉粒女 嫁過窮夫竹葉郎 挨晚投河吊頸死 聽朝解去入衙門

迷底:粽

『珍珠玉粒』指『糯米』

『竹葉』指『粽葉』

『投河』指『落鑊』

『吊頸死』指『勒死』

『衙門』音近『牙門』

『棹』出自『蘇軾』『獨棹小舟歸去』,『棹』指『撑艇』架餐.『疍家』水上人離晤開首『艇』,『棹艇』係日常生活,行舟跑馬三分險.『疍家忌諱』多多,食魚唔可翻轉.女仔唔可濫過船頭,飯碗唔可插筷子,匙羹唔可翻轉,匙羹唔可拖湯底.所以將『棹艇』同『忌諱』合叫『棹忌』.

 

『黃金』因其『色閃耀』『密度重』『耐氧化』一度成為『流通貨幣』.『金』熔點過千度.『熊』音近『紅』有『熊熊烈火』.當『爐火』為紅色時其爐溫有700至800度.『真金』自然晤驚你溶咗佢.

『石獅』可屹立上千年, 而相對應『紙扎獅』淋雨即爛.

『真金唔怕紅爐火,石獅唔怕雨嚟淋』指堅貨唔憂買.

 

 

大笨象揸枝槍 去打仗打唔贏 翻嚟食碗辣椒醬 隔籬屋企燒炮仗 問你響唔響 唔響升你兩巴掌

歌謠有『槍』『打仗』應流傳於民國時期, 有『呃我膝頭哥唔食辣椒醬』指講咁顯淺大話嚟呃人邊有人信, 所以『打唔贏』食『辣椒醬』暗指善於講大話呃人加入佢地組織.市民睇到佢地兵敗將逃『燒炮仗』趕瘟神.家家『拍手掌』.

屘屘屎,屘屘屎 買豬頭冇豬耳

『屘』有『孻屘』『包屘』, 『屘』同『尾』唔同, 『尾』有『尾果橛』.

點解『冇豬耳』因 『包屘大翻』咪『醜甩耳仔餸燒酒』.

月光光照地塘 年卅晚 摘檳榔 檳榔香 摘紫薑 紫薑辣 買葡突 葡突苦 買豬肚 豬肚肥 買牛皮 牛皮薄 買菱角 菱角尖 買馬鞭 馬鞭長 起屋樑 屋樑高 買張刀 刀切菜 買籮蓋 籮蓋圓 買隻船 船漏底 浸親兩個紅毛番鬼仔 一個蒲頭 一個沉底 一個匿埋門扇底 惡惡食孖油炸鬼

『葡突』指『苦瓜』『良瓜』

『蒲頭』即浮頭

『紅毛番鬼仔』指鬼佬

歌謠殺機再於最後五句,講述兩廣總督葉名琛以廣州城內有刁民斬紅毛番鬼為由唔畀英國人讓進廣州城內進行貿易.實英國人早已得知葉名琛畀錢地踎.只要睇到鬼頭就摞刀劈.最後葉名琛於1857年被英軍俘虜.

細時四隻脚 大個兩隻脚 老來三隻脚

謎底:『人』

止謎語改自希臘傅說, 『司克芬斯』攔截行人所出謎語『朝早四隻脚行路,晏晝用兩隻脚行路,挨晚三隻脚行路』

雞公仔尾彎彎 做人心抱甚艱難 早早起身都話晏 眼淚唔乾入下間 下間有個冬瓜仔 問安人老爺煮定蒸 安人又話煮 老爺又話蒸 蒸蒸煮煮唔中安人老爺意 大楂拉鹽又話淡 手甲挑鹽又話鹹 三朝打爛三條夾木棍 四朝跪爛四條條裙 咁好花裙俾你跪爛 咁好石頭俾你跪崩 橫又難, 掂又難. 不如捨命落陰間 人話陰間條路好 我話陰間條路好艱難

『心抱』即『家嫂』

『晏』即『晏起身』

『下間』指『厨房』

『安人』指『家婆』

『陰間』指人所不見世間.

 

歌謠之一隻歌仔甚新鮮

一隻歌仔甚新鮮 灶蝦曱甴契同年 又共蜘蛛借線絡 又共蠄蟧借盒添 舂米公公担盒過 又問蠄蟧担去邊 塘屘自謝開盒睇 睇見魚鱗共飯黏

『灶蝦』樣似蟋蟀, 灶馬蟀

『共』即『同』

『曱甴』生命力頑强幾日冇掟垃坡圾就睇到

『契同年』結拜兄弟

『線絡』『絡』與『网』意相通即『蜘蛛网』

『蠄蟧』蜘蛛一种,長脚蜘蛛

『添』有『添飯』『再添』

『舂米公公』指旗腹蜂

『塘屘自謝』即塘屘震翼点水

『飯黏』飯粒黏

講『大話』分兩種,一『自編作大』, 二『矮仔睇戯人哎倨又哎』.

『作大』自已都唔信必『言行不一』容易識破. 而『矮仔睇戯人哎倨又哎』人地喂畀倨照單全收,直至魄散離魂都唔知畀人呃,此種人占多數.

『大話怕計數』要識破『大話』.只能反復細心推敲先能睇出破綻.

『擠出頭』由『噴嘴』『噴頭喉管』『熱敏電阻』『加熱塊』『加熱頭』『限位鏍鉧』

『溫度感應』『NTC熱敏電阻3950』其玻璃探頭極易毀壞. 若溫度爲0或MAXTEMP極可能『熱敏電阻』損壞.

1. 首先拎緊『噴嘴』4mm
2. 『喉管』M6*30內置『特氟龍』管
3. 『限位鏍鉧』M6*4.8兩粒拎入『喉管』
4. 裝『加熱頭』
5. 裝『熱敏電阻』

『光雅裏』位于『西關』『狀元坊』側近.『光雅裏』原名『缸瓦裏』. 專門賣『缸瓦』.清國道光年有官員覚得『缸瓦』唔好聽改為近音『光雅』. 完全唔尊重本土文化.『狀元坊』有『朱義盛』而『缸瓦裏』有『棺材鋪』. 『棺材鋪』都養『孝子』『買水』, 而做 『孝子』唔知點解好多是『契弟』即『基佬』. 行『光雅裏』想唔睇到『契弟』. 只有扮『盲公』眯埋眼『冇眼睇』. 即『盲公過光雅裏冇眼睇你班契弟』.

『雞』此处指『骰』.『乾坤一擲』『盡地一煲』雙方各自擲粒骰碗中, 直至骰静止按其點数定赢輪, 若擲粒用力過度骰子弹出碗即『走雞』. 其默數唔算要再擲.

因『走雞』其本意『唔算数』後逐漸演變成『錯失』之意.

『開圍骰』源自『賭大細』, 莊家将三粒骰放入骰盅搖晃,等閒家落注後, 莊家『開盅』派彩. 按三粒骰合計點数『大細』,總點数四至十開『細』, 十一至十七開『大』.若『開盅』三粒骰點数相同,即『開圍骰』莊家『大細通吃』. 除非閒家落注買『圍骰』先贏.所以『開圍骰』即『冇大冇細』.

點数	圍骰
三粒一	圍一
三粒二	圍二
三粒三	圍三
三粒四	圍四
三粒五	圍五
三粒六	圍六

 

『包屘大翻』源自大戲『六國大封相』.臨完場由六位武師演遷馬旗手,翻騰走圓場退下. 到最屘匹馬武師牽回場大翻筋斗, 最屘筋斗必定翻到最高作為全劇尾聲. 即『包屘大翻』.

『包屘大翻』今指『屘屘屎』最後一名.

『紋路』本指『掌紋』與『指紋』.『睇相佬』可丛中窺見人未来.『有紋路』同『有紋有路』一詞可引申指做人做嘢『有條理』.

『天九』两牌點数合起為十點即『密十』.而『天九』點数只計個位.即只有零點最細.若首牌三點次牌再来七點.即『密十』輸硬,便大叫『三唔識七』喝走七點.

旧時『夜香公所』簡陋冇廁紙供應,若去出恭要自備草紙, 『夜香公所』所長即『二叔公』.为便人出恭會在門口摆張木枱, 放一疊草紙每張斗零,自覚投幣冇人睇檔. 而是否畀銀唯有『問心』, 所以有『二叔公賣草紙』『問心』. 而『二』與『義』音近. 『二叔公』实為『義叔公』.

河南地成珠楼由伍紫垣經营.屋企妹仔『細凤』順德人,經常去『成珠楼』偷师.咸丰五年八月中秋. 伍紫垣屋企有客. 細凤送茶水却冇点心.而家厨啱出去唔在度.『細凤』心急下用惠州梅菜同五仁月餅搓埋,加埋胡椒粉做成雞蛋形『餅仔』,放入焗盧烤脆, 畀客品尝贊口有加. 問道『餅仔』叫嚒名,『伍紫垣』抽出『細凤』之『凤』,『餅仔』之『仔』.因『凤』即『雞』.随口改名『鶏仔餅』. 『鶏仔餅』後經成珠楼点心师不断改进後,行销海外內.

 

『打骰』源於天九莊家.莊家按抛两粒骰,依点数逆時時派牌.

『打骰』或『打晒骰』本指『做莊』.今指前線指揮.

『菠蘿雞』產於『菠蘿廟』即『南海神廟』. 『菠蘿廟』位於珠江口『扶胥鎮』. 『菠蘿廟』有條『廟頭村』. 『廟頭村』姑婆養鶏. 用『桨糊』『竹枝』『草紙』扎『鶏身』黐『鶏毛』神情如生. 每逢二月十三『菠蘿誕』. 姑婆拎紙扎鶏在『菠蘿廟』出售. 之所以叫『菠蘿雞』 因只有在『菠蘿誕』果两三日有買.因『鶏身』『鶏毛』用『桨糊』『黐』成. 所以有『波蘿雞一味靠黐』.『菠蘿雞』通常指『黐飯喫』.

『羅漢』指『十八羅漢』. 『羅漢』本為『釋迦牟尼』 得道弟子.『伏虎羅漢』到『三元宮』掛單.在『觀音山』附近徘徊瞻顧偶遇『觀音娘娘』.於是『羅漢』請『觀音娘娘』食『齋菜』. 『齋菜』通過『托鉢』化緣合為『盤菜』. 『羅漢齋』需用猛火半個時辰先達到『色香味』俱全成為后日『羅漢齋』.『羅漢請觀音』今指夾錢請客.

『喫』同『啖』皆為食,兩字用法卻有分別.

『喫』有 『唔忧喫』『喫飯』『喫茶』『喫酒』『喫力』『喫虧』.

『啖』有『啖啖肉』『食啖』

『戙』音近『洞』, 意指『疊牌』. 『一戙都冇』出自『天九』. 當手上牌全被沒收『一戙都冇』便作輸. 輸雙倍.今指令人輸到冇力還擊, 冇得翻身

『三途川』分隔『陽間』與『陰間』之河川.『三途川』河寬四十『由旬』, 一『由䀏』約等於14.4公里. 即『三途川』河寬576公里. 『頭七』在渡『三途川』前接受首殿閻王『秦廣王』初審.相當於入境處.

『三途川』在『陰間』一則會栽種鮮花形成花海,已去世親友企在花海向你招手. 河兩岸栽種『蛇柳』.一旦渡過『三途川』再亦冇法翻去『陽間』.要渡『三途川』有三途, 一則『坐船』, 二則『行橋』, 三則『涉水』. 所以叫作『三途川』.

『行橋』需『陽間』親友用『金銀七寶』折『紙橋』助你徒步渡河. 若親友折埋『紙馬』畀你甚至可騎馬行橋.

『坐船』需畀六紋錢『奪衣婆』搭船. 若冇錢畀『奪衣婆』會奪走衫裙褲畀『懸衣翁』在平行稱懸掛榜重.衫裙越重罪孽重.

『涉水』若罪孽輕可從淺灘渡河, 而罪孽重需從湍急深水涉水渡河. 『涉水』渡河危機在於 生前執著之物會沉於河底. 若執起身便會重到冇法渡江.

『拍拖』源於『花尾渡』航行術語,『花尾渡』為二十世初載客木駁船.因河道淺『花尾渡』為平底船,自身冇動力船頭艙尾刻有龍鳳木雕.而『火船仔』為『火力拖輪』『拖』『花尾渡』行船.『火船仔』在前『花尾渡』在後,用條粗麻䋲『拖』行.而『泊』岸『火船仔』在外『花尾渡』在內『相拍』用麻䋲扣緊幷排依偎『泊』岸,.

所以『拍拖』指後生仔女約會拖手仔,『甩拖』指分手.

大鏡窄睇位難,盲位大,裝副鏡.

『荷香十里荔枝千株』舊時荔枝灣沿岸種有『荔枝』,兼有大量舢板穿梭.而『洋板艇』唧『艇幫』『艇底』用『坤甸』,『船屋』用『杉』遮陽擋雨. 穿梭於『荔枝灣』與『海角紅樓』.

『後生仔』『後生女』租老太婆棹『洋板艇』 『游船河』, 登艇閂燈在夜色掩护下『咿挹』.

在『荔枝灣』仲係種滿『荔枝』果陣有叫『洋板艇』在度穿梭搭客.其『洋板』為『坤甸』.此木由『蘭芳國』首府『坤甸』進口故而得名.用於『艇幫』『艇底』上有船屋遮陽擋雨.

『洋板』棹艇於『荔枝灣』與『海角紅樓』. 一則『游船河』打麻將,二側去『海角紅樓』游水.在『荔枝灣橋頭』有大量『糖水』『雲吞面』挑擔.『芝麻糊系你舅父,綠豆沙系你阿媽』歌謠出於『糖水』挑擔.

芝麻糊係你舅父 杏仁茶係你阿麻 糯米粥係你阿叔 紅豆沙係你阿媽

舊時西關河涌縱橫交叉. 除『沙基涌』停泊『紫洞艇』外,岸上 『陳塘』『風月』更為昌盛大寨卅五細寨冇數.『大寨』紅牌啊姑眼角高,收費貴.睇你唔啱畀幾多都唔睬你.搞到你唔湯唔水挽褲走人. 所以 『吊高嚟賣』『睇得唔郁得』正出于此.

舊時西關河涌縱橫交錯,百姓坐『艇』通行冇阻.『陳塘風月』昌盛大寨卅五細寨冇數. 對開成條『沙基涌』到『黃沙碼頭』有大量『紫洞艇』『沙艇』『四柱艇』『食艇』『洋板艇』『塘蚝仔』穿梭往来組成『花艇陣』.

『紫洞艇』為平底艇上層木製建築.令其頭重腳輕遇風浪必翻艇, 所以齋停泊唔行.『紫洞艇』在西關河涌停泊平時『食河水』.『埋街』即『老舉』上岸.舊時石板街道鑿『水井』均為岸上人家擁有,要『食井水』需『埋街』. 所以『埋街食井水』 即指『老舉』跟佬上岸為人『新抱』.

 

舊時西關河涌縱橫交錯, 百姓坐『艇』通行冇阻.『陳塘風月』昌盛大寨卅五細寨冇數.對開成條『沙基涌』大有『紫洞艇』細有『沙艇』. 所謂『踏艇』即上『紫洞艇』叫水雞.而『開廳』去『陳塘』稳『老舉』傾偈飲酒. 舊時男人只要有兩個錢都『去踏艇兼開廳』.

舊時『陳塘』『風月』昌盛大寨卅五細寨冇數. 『花』指『花衫』.『雞乸』指『老舉』.相傳『老舉』鐘意著『紅衫』『䘵裙』.即『紅頭綠尾』『花雞乸』.

可睇到舊時『后生女』唔著『旗袍』, 『旗袍』仍游牧國家傳統裝束.在馬背大條叉開到咁高方便騎馬.

老舉埋年-算鳩數/算撚數

『沙基涌』在『糧船灣』上岸就是『沙面』, 『沙面』仍谷埠.附近產出稻米均在此交收,沙面』行過隔離『陳塘』, 『風月』昌盛大寨卅五細寨冇數.

『殷客』寫『花帖』畀『老舉』 ,『花帖』台頭『票局』下寫『時日』『地步』. 『老舉』接到花帖後,需守時赴約,而漢族『細孥女』多『紮腳』,行多兩步都唔得.石板街巷窄轎入唔到. 唯有『騎膊馬』行去. 而因畀馬夫『舉高』此即『老舉』起源.

『埋年』係年尾計本年收支.

『老舉埋年』計接『殷客』數即『算㞗數』『算𡳞數』.

『㞗』音近『鳩』,『𡳞』音近『撚』.

因『㞗』同『𡳞』皆指男性器官.而『算㞗數』演變成『算數』意近『由佢』.

 

 

 

 

 

 

『消魂』字面解『魄散魂離』『魂』離開肉身後逐漸走向虛冇.

『消魂』文學形容『悲傷』『歡樂』神態心境, 如『秋風一送別 江上黯消魂』. 亦指對事物着迷.

『消魂』演變為『銷魂』指靚女容貌體態『勾魂離體』,被『後生女』姿色所吸引誘.

 

『滾紅滾綠』中『滾』指『滾友』.『紅』指『花靚』.『綠』指『後生女』. 『滾紅滾綠』字面解『花靚』同『後生女』行埋. 實暗指『花花公子』呃『後生女』.

而『滾紅滾綠滾到黑』中『滾』指『滾女』,『紅』指『靚女』.『綠』指『銀紙』,『黑』指『晚黑』.實暗指『靚女』通過貌色取得錢財.

『生鐵』已有兩干年歷史,而『黃銅』表面有助仰制病毒细菌繁殖,更多用于烹食器皿.『煲水』則更中意用『銅煲』.銅過熱快卻易燒壞,於是打銅佬用加厚銅料打銅煲, 即『雙料銅煲』無需補煲但過熱慢.而薄銅料做煲過熱快叫『單料銅煲』

『單料銅煲』 過熱快煲水『易滾』煮飯『易熟』.『熟』即『相熟』『熟絡』. 『滾』此指『呃』.

『單料銅煲』指『後生女』『易熟』『易滾』.

『陳村』『佛山』『石龍』『廣州』自古遠离帝力,在明國清國已是商業中心, 『米鋪』『銀號』『當鋪』『朱義盛』『雲吞鋪』『茶樓』『商鋪』『賭檔』林立.四鎮水路運輸發達,而『陳村』沿岸碼頭眾,适合各式船艇泊岸.清國咸豐十年於『陳村』吉洲沙設海關,洋船蝕水深冇無法泊岸 .貨物上岸需疍家駁艇. 有『陳村碼頭逢渡必啱』. 且陳村『賭檔』眾多,而『渡』与『賭』音近. 變『陳村碼頭逢賭必啱』.

 

唔得在外拋頭露面,唔得唔顧家頭細務,唔得冇乳豬食

取『新抱』前兩句容易理解,但第三句點解會冇乳豬食, 『新抱』三朝回門若『食左佢隻豬』即『新抱』係『豬女』.需拎隻『乳豬』即『回門猪』翻去娘家. 若冇食佢隻豬即『失豬』. 咁回門就唔會有『乳豬』.

『食左倨隻豬』又叫『開佢罐頭』

 

『滾水』指沸騰清水.

『淥』即『焯水』或『白焯』.

『豬腸』指豬內臟『大腸』『生腸』『粉腸』經切成一橛橛.

當『滾水』淥一橛橛『豬腸』, 豬腸兩頭縮水. 引申『份糧』縮水導致『使費』縮水.

當舖朝奉都叫『二叔公』.其『二』可能指『義』即『義叔公』同『義叔婆』.舊時手頭緊會問『二叔公』度水.雖『二叔公』爲人義氣.但個個篤手指分分鈡有借冇回.於是『二叔婆』決定收抵押.否則一律唔借.

『二叔公』田地一律由『二叔婆』割禾. 『二叔公』只負責扎禾兼打穀. 今次『二叔婆』病到『五顏六色』『手軟脚軟』,唯有『二叔公』出馬收割. 『二叔公』割禾落刀唔准,於是『二叔婆』教他『望下橛』割禾脚.

後『望下橛』引申『睇遠嘀』

『三菱沿筆』MITSUBISHI PENCIL 22支鐵盒裝,日本製造齋睇鐵盒夠曬靚.『H』為硬,『B』為軟.『H』值越大顔色淺, 『B』值越大顔色深. 『HB』軟硬適中.『F』比『H』濃但比『HB』淡.『三菱出品必屬佳品』

三菱素描沿筆	MITSUBISHI PENCIL
系列.	9800DX
鐵盒裝	22支
製造	日
『H』	『硬』『深』『濃』
『B』	『軟』『淺』『淡』
『HB』	軟硬適中
『F』	較『H』濃但比『HB』淡

 

超仔做『細孥』著『開襱褲』著大, 露出『慈菇椗』.超媽帶倨行街街.點可以露出『慈菇椗』要著『有襱褲』. 超仔自幼未著過『有襱褲』. 咪『焗住』『慈菇椗』咯.

『襱』音近『浪』.

『慈菇椗』正寫『茨菰蔕』.

『筷』即Chopsticks嚟喫飯.『筷』總成雙成對所以叫『雙筷』.男仔送『後生女』『雙筷』寓意『結締姻緣』. 記得細路果陳有雙『象牙筷子』,但雙象易變黃.宜家『筷子』用304不銹鋼.其實『筷子』唔興應用硬金屬,有機會咬爆牙. 而『銀筷子』軟.

老婆為老公擔遮,老公得以『庇蔭遮陽』即『 陰公』.而『公』音近『功』,所以『 陰公』暗指『陰功』. 『陰』指『人所不見』之『陰間』.『功』指『功業』『功績』. 『陰功』指『陰間功業』.作善得『積陰功』,作惡行奸『冇陰功』.後『冇陰功』簡作『陰功』.

所以『老婆擔遮』暗指『冇陰功』.

老公幫妻子撥扇,妻子感到涼雙.即『妻涼』暗指『淒涼』.

『淒』即『悲』,『涼』即『凍』.所以『淒涼』解『悲凍』.形容他人晚景『淒涼』.

 

『饅頭』實爲『蠻頭』,『蠻』指『南蠻』, 『頭』指『人頭』. 即『南蠻人頭』.『南蠻』實爲『越囯』百姓.沿海生活『日出而作日入而息,帝力於我何有哉』.

相傳『蜀漢囯』丞相『諸葛孔明』.在位期間攻打『越囯』,攻打多年後班師回朝,途徑『大理囯』渡瀘水回朝,風高浪急船艇冇法渡江.從俘虜『南蠻』百姓中選擇七七四十九名『後生女』.割其頸上人頭落獲蒸煮祭江,後順利渡江.

後祭祀天地鬼神勻以『南蠻人頭』為祭品.但 『南蠻人頭』唔是話有就有.逐以『麵粉』做外皮,頂部拈『髮陰』造型,以 『瘦肉』作函蒸煮祭祀後食用. 所以『饅頭』包括『包』同『餃』.冇以爲 『麵粉』係廉價食材,在舊時『麵粉』只有王室貴族享食,平民根本冇錢歸買.

 

 

相傳『灶君』暗指 『蒙古人』.『送灶神』指請『蒙古人』快啲走.蒙古國南下滅亡宋國建元國,驚宋囯遺民生异心,每戶需請蒙古人入住,拎好酒好肉招待,以賄賂籠絡蒙古人.且蒙古人擁有宋人後生女仔初夜權,同蒙古人所生穌蝦都會被撻死. 所以『女不祭灶』驚後生女被『蒙古人』睇中.

『戯』指睇『映畫』 ,『矮仔』生得矮細畀前座遮擋.睇唔到套戯講嚒.睇到人哎倨咪又跟住哎.所以有『矮仔睇戯人哎倨又哎』.今指『邏輯謬誤,人云亦云』.

『篤灰』源自黑道將『白粉』叫『灰』,所謂『跳灰』即『運毒』.舊時『探長』會先引誘『後生』帶手信過境,當帶多幾次獲得信任後.在『手信』中夾帶『白粉』.在臨上機入閘前先交畀他,令他無法睇清物品.當其入境過海関被抽中檢查,發現『白粉』而被捕,即『探長』向海関『交人頭』.此行為稱為『篤灰』.

『篤』出自『指天篤地』,『手指』向下『篤』動作.『魁』指『首領』.從文解字『篤魁』『指証首領』即『報串』.

『篤』出自『指天篤地』,『手指』向下『篤』動作.『飛』出自fare音譯. 『fare』直譯『票價』.而『飛』更指『戲飛』『船飛』票據.當『映畫戲』『上畫』後誇大每日票房.即『篤』大戲『飛』銷量. 誇大『映畫戲』口碑.帶來票房『延後』收益.

『篤』出自『指天篤地』,『手指』向下『篤』動作.有『篤大條數』簡稱『篤數』,均指『造數』 . 以此帶來『直接』『間接』『延後』利益.

『雞仔』指『雞膥』菢出『仔』.『摸雞仔』今指非禮『後生女』.

『沙漠梟雄出浴又痕又無水』出自『沙漠梟雄出獄』.話説『沙漠梟雄』『羅倫斯』任英軍駐隸屬『阿拉伯局』情報官官階『中尉』.總部位於『開羅』.

1916年『阿拉伯局』派遣『羅倫斯』去協助『阿拉伯人』. 『羅倫斯』從『開羅』坐船到『揚波』.穩響導穿越乾旱沙漠進入『麥地拿』. 協助『費素』王子進行『沙漠起義』.而『奧斯曼』空軍不斷南下攻擊『費素』王子營地. 『費素』王子只好率兵南遷『揚波』.遠離空軍攻擊範圍.

『羅倫斯』親率 50駝騎兵『晝伏暗行』穿越乾旱『歷富』沙漠.聯合當地『夏威塔』部族偷擊海港城市『阿卡巴』.

『羅倫斯』穿越『西奈半島』返回『開羅』通知『英軍』派遣武器補給武裝『費素』王子騎兵.在『羅倫斯』親率進行特種作戰,偷擊『奧斯曼』火車,阻斷軍用物資補給.牽制『奧斯曼』四師兵力. 『羅倫斯』偷偷進入『迪拉』起義.被『奧斯曼』守軍擒獲.捉入城防司令部遭鞭笞審訊,更遭『駐防司令』輪奸. 『羅倫斯』身心深受打擊萌生退意.

最後『羅倫斯』率三千駝騎兵進擊『大馬士革』,畀英軍早一晚進入並召開『議會』.實現『小城變大囯』夢想.最後榮升『上校』返回牛津郡安享晚年.

『沙漠梟雄出獄』因『獄』音近『浴』. 則『沙漠梟雄出浴,又痕又無水』隱喻『沙漠梟雄』遭輪奸.

沙漠梟雄	T.E.LAWRENCE
漢名	羅倫斯
生	1888
卒	1935

 

『神』與『鬼』實為同本同源兩者可相互換位.當『鬼』得到供奉法力提高便可升上『神位』,一但『神位』冇人供奉法力盡失做『鬼』都唔靈.『呃』與『騙』本意相近,『呃』有兩重意思分『打呃』同『畀佢呃咗』.『呃神騙鬼』從文解字指被『風水佬』呃咗十年八年或被『睇相佬』呃錢.

『騎呢蘇』從字面解釋, 『騎』有『騎牆』『騎縫』即『卯乙之間』『唔三唔四』.『呢』用于强化語氣. 『蘇』指死而復生.『騎呢蘇』用于形容他人行爲扮相怪異. 可單獨用『騎呢』而唔帶『蘇』意思相同.

『騎縫』出自『騎縫間隔線』.

『卡啦蘇』源自英文Clerical音譯,意即低階文職人員,冇特別才能.

『卡啦蘇』與『騎呢蘇』所指唔同唔好混用.

『旮旯』音近『角落』,本為游牧囯語言. 『墻旮旯』指『墻角落』.『山旮旯』指『偏遠』『偏僻』『隱蔽』『狹窄』『靠邊』之地.同『冇雷公恁遠』相比就近得多.後世『山旮旯』演變成『山卡啦』.

『一頭霧水』出自鬼才『何淡如』『四面環山誰作主,一頭霧水不知宗』

『霧水』可睇作朝早露水珠.『一頭』指頭殼頂. 從文解字『一頭霧水』指頭殼頂飆汗.今指『迷惑冇解』.

民國佛山百業繁盛,居住『富民裏』『華秀』經營茶葉買辦,閑暇中意鬥狗.路經『德慶』在『杉木鋪』睇到頭加拿大野生白狼狗『嘴短狼樣』滿心喜歡逐重金邀買.『華秀』牽頭『狼狗』上『封川』探架己冷.其所養三頭狼狗均被咬死.自此『華秀』逢鬥狗必贏.『狼過華秀只狗』自此聲名遠播.

『煲』有『水煲』有『藥煲』.而『茶葉』 『浸』得耐『丹寧』tannins釋放味『苦澀』. 而『茶』 需『即沖即飲』所以叫『茶壺』.

而『茶煲』音譯自Trouble即『麻煩』.『女人真係茶煲』.

『篤卒』出自棋譜.『過河卒 有前無後』『卒仔過河 當車使』.

『篤』由『上竹下馬』組合而成,『竹馬』指竹制『搖椅』即『搖搖馬』.『卒』指兵卒,最底層士卒.

『篤卒』今指 『有前無後打死罷就』.而舊時『偷渡』亦叫『篤卒』.

『後生』出自『論語』『後生可畏』. 『後生』畀『細孥』大.『後生』分『後生仔』同『後生女』.亦可指人『生得後生』. 而『後生仔』亦叫『花靚』.舊時公司有個位亦叫『後生』.

『花靚』同『細孥』『穌蝦』唔同. 『細孥』分『細孥仔』同『細孥女』. 『穌蝦』亦分『穌蝦仔』同『穌蝦女』.

『靚』分『靚仔』同『靚女』. 而『花靚』跟貼合『後生仔』或韓劇『花美男』.即『面相』同『身形』生得似『後生女』.

『驚個女畀花靚呃』

『堅』與『流』是一對反義詞.『好為堅,堅即真』有『堅嘢』同『奸人堅』.『虛為流,流即假』有『流口水貨』指齋睇冇得食,引申為『流嘢』. 所以『堅定流』亦可叫『流定堅』.

『陰差陽錯』出自羅盤『廿四山』即廿四個方位,每『山』15度.『廿四山』分『陰陽』所屬.『紅屬陽, 黑屬陰』,每三山一組分屬『陰陽』.若家宅定坐向時『陽元龍』挨近『陰元龍』達六爻約六度.即『陰差陽錯』之兇格.

三元龍	陽元龍	陰元龍
地元龍	甲庚丙壬	辰戌丑未
天元龍	乾坤艮巽	子午卯酉
人元龍	寅申巳亥	乙辛丁癸

 

『啄木鳥』用尖『喙』沿樹皮裂口位『啄』以鑿開樹皮,再用長舌鉤食樹木內蛀蟲.因『鑿』音近『作』. 用『作大』契合『鑿開』.所以有『啄木鳥搵食,作大兼捉蟲』.用於形容人『老作』兼搵自已笨.

『架己冷』GaGiNang讀『家己儂』.可以解為『自己友』, 但『友』被濫用.邊個邊個是我『老友』是我『朋友』,其實可能是汎汎之交.若將『架己冷』理解為『圍內』更貼意,『圍』指『圍村』麻石與青磚堆砌高牆村莊.『內』指村內玩大同族兄弟.

將『圍內』概念擴展 『架己冷』可指具相同『語言』同『價值』之人.因『語言』比起『文字』更易傳遞思想.所『語言』仍文化之核心.具有相同『語言』同『價值』即『架己冷』.